उजनीत शेतकरी आंदोलन: एआय डेटा सेंटर, अणुऊर्जा व हायड्रोजन प्रकल्पांवर आमदार रोहित पवारांच्या मार्गदर्शनाखाली विरोध

आमदार रोहित दादा पवार यांच्या मार्गदर्शनाखाली उजनी बचावासाठी महा-एल्गार; रस्ता रोको आंदोलनाने महामार्ग ठप

टेंभुर्णी उजनी धरणाचे अस्तित्व धोक्यात आणणाऱ्या SEED प्रकल्पाच्या विरोधात आज आमदार रोहित दादा पवार यांच्या मार्गदर्शनाखाली भव्य रस्ता रोको आंदोलन करण्यात आले. या आंदोलनात शेतकरी, मच्छीमार बांधव आणि वारकरी बांधव मोठ्या संख्येने उपस्थित राहिले होते.

आंदोलनस्थळी गाड्यांच्या लांबच लांब रांगा लागल्या होत्या आणि संपूर्ण महामार्ग तासनतास ठप्प झाला होता.

व्यासपीठावर लागलेल्या मुख्य बॅनरवर लिहिले होते -
"लढा उजनीचा, आमच्या अस्तित्वाचा
उजनीचे अस्तित्व नष्ट करू पाहणाऱ्या SEED प्रकल्पा विरोधात शेतकऱ्यांचा एल्गार"
रोहित दादा पवार यांची आक्रमक भूमिका -

यावेळी मार्गदर्शन करताना आमदार रोहित दादा पवार यांनी सरकारला थेट इशारा दिला. "उजनीच्या पाण्यावर प्रस्तावित अणुऊर्जा प्रकल्प, तरंगता सौर ऊर्जा प्रकल्प, डेटा सेंटर आणि हायड्रोजन प्रकल्प हे शेतकऱ्यांच्या आणि मच्छीमारांच्या जीवावर उठले आहेत. उजनी वाचली तरच सोलापूर, पुणे, अहिल्यानगर जिल्ह्यातील शेती वाचेल. हा लढा आमच्या अस्तित्वाचा आहे, हा प्रकल्प आम्ही कोणत्याही परिस्थितीत होऊ देणार नाही," असे ठाम मत त्यांनी व्यक्त केले.

आंदोलनाची दृश्ये -

1. जनसागर: आंदोलनस्थळी हजारो नागरिक जमले होते. व्यासपीठावर रोहित दादा पवार यांच्यासह अनेक मान्यवर उपस्थित होते.

2. मच्छीमार बांधवांचा मोठा सहभाग: उजनीवर उदरनिर्वाह अवलंबून असलेल्या मच्छीमार बांधवांनी या आंदोलनात सक्रिय सहभाग घेतला. "उजनी आमचा संसार आहे" अशा घोषणा दिल्या.

3. वाहतूक कोंडी: रस्ता रोकोमुळे महामार्गाच्या दोन्ही बाजूला अनेक किलोमीटरपर्यंत वाहनांच्या रांगा लागल्या होत्या. पोलिस प्रशासनाला वाहतूक सुरळीत करण्यासाठी मोठी कसरत करावी लागली.

या आंदोलनामुळे सरकारने SEED प्रकल्पाबाबत फेरविचार करावा, अशी मागणी आता अधिक तीव्र झाली आहे."लढा उजनीचा, आमच्या अस्तित्वाचा" - हजारो शेतकरी, मच्छीमार व वारकरी बांधव रस्त्यावर