दिल्ली आंदोलनाच्या समर्थनार्थ मुंबईत वंचित बहुजन आघाडीचे आंदोलन; पोलिसांकडून कार्यकर्त्यांना ताब्यात

दिल्ली येथे सुरू असलेल्या आंदोलनाच्या समर्थनार्थ वंचित बहुजन आघाडीने मुंबईतील हुतात्मा चौकात आंदोलन केले. या आंदोलनादरम्यान पोलिसांनी आघाडीच्या अनेक कार्यकर्त्यांना ताब्यात घेतले. ताब्यात घेताना महिला कार्यकर्त्यांचे कपडे फाडण्यात आल्याचा आरोप पक्षाने केला आहे.

या आंदोलनात वंचित बहुजन महिला आघाडीच्या मुंबई प्रदेश अध्यक्ष स्नेहल सोहनी, वंचित बहुजन युवा आघाडीचे मुंबई प्रदेश अध्यक्ष सागर गवई, मुंबई प्रदेश सचिव आकाश सोनावणे आणि ज्योती गुप्ता सोनावणे यांच्यासह अनेक कार्यकर्ते उपस्थित होते.

पोलिसांनी आंदोलकांना ताब्यात घेताना गैरवर्तन केल्याचा आरोप वंचित बहुजन आघाडीने केला आहे. या घटनेमुळे परिसरात तणाव निर्माण झाला होता.