સુરતમાં SOGની મોટી કાર્યવાહી: પ્રિસ્ક્રિપ્શન વગર દવાઓ વેચતા બે મેડિકલ સ્ટોર પર રેડ, 2.75 લાખની પ્રતિબંધિત દવાઓ જપ્ત

સુરતમાં નશાકારક દવાઓના ગેરકાયદેસર વેચાણ સામે વિશેષ ક્રાઇમ ઓપરેશન ગ્રુપ (SOG) દ્વારા મોટી કાર્યવાહી કરવામાં આવી છે. SOGએ ડમી ગ્રાહક મોકલીને પ્રિસ્ક્રિપ્શન વગર દવાઓ વેચાણ કરતા મેડિકલ સ્ટોરો પર ટ્રેપ કરીને આ ગુનાહિત પ્રવૃત્તિનો પર્દાફાશ કર્યો છે.

આ કાર્યવાહીમાં SOG દ્વારા શિવ શક્તિ અને સ્મિથ સાંઈ મેડિકલ સ્ટોર પર રેડ કરવામાં આવી હતી. રેડ દરમિયાન કોડીન સિરપ સહિત વિવિધ પ્રતિબંધિત દવાઓનો જથ્થો ઝડપાયો છે. તપાસમાં આ બંને સ્ટોરમાંથી કુલ 2.75 લાખ રૂપિયાથી વધુની દવાઓ મળી આવી છે.

SOG દ્વારા કરવામાં આવી આ કાર્યવાહી નશાકારક દવાઓના ગેરકાયદેસર વેચાણને રોકવા માટેની સતત મહેમતનો ભાગ છે. ડમી ગ્રાહકની મદદથી પોલીસે સ્થળ પર રેડ કરીને સંબંધિત દવાઓ જપ્ત કરી લીધી છે. આ મામલે આગળની તપાસ ચાલુ છે.