અરવલ્લી SOG પોલીસે નવી શીણોલ ગામ પાસેથી કરોડો રૂપિયાના પોશડોડા ઝડપી પાડ્યા

અરવલ્લી જિલ્લા SOG પોલીસે ધનસુરા પોલીસ સ્ટેશનની હદમાં આવતા નવી શીણોલ ગામની સીમમાં એક સ્કોર્પિયો વાહનમાંથી કરોડો રૂપિયાનો માદક પદાર્થનો જથ્થો ઝડપી પાડ્યો છે. પોલીસે ફિલ્મી ઢબે પીછો કરી વાહનને રોક્યું હતું.

પોલીસે વાહનમાંથી ૨૭૮.૭૭ કિલોગ્રામ પોશડોડા (કાળાં) જેની કિંમત આશરે ૪૧,૮૧,૫૫૦ રૂપિયા થાય છે, તે કબજે કર્યું છે. આ ઉપરાંત, વાહનમાં તપાસ કરતાં મેગેઝીન, ૨ જીવતા કારતૂસ અને ૨ મોબાઇલ ફોન પણ મળી આવ્યા હતા.

કુલ મળીને, પોલીસે વાહનમાંથી ૫૦,૦૧,૫૫૦ રૂપિયાનો મુદ્દામાલ કબજે કર્યો છે. આ કાર્યવાહી દ્વારા પોલીસે માદક પદાર્થની હેરાફેરીના મોટા નેટવર્કને ઝડપી પાડવામાં સફળતા મેળવી છે.