અરવલ્લી: SOG પોલીસે ૨૭૮ કિલો પોશડોડા સાથે સ્કોર્પિયો ઝડપી,૪૧ લાખથી વધુનો મુદ્દામાલ કબજે..

અરવલ્લીના-:
ધનસુરા પોલીસ સ્ટેશનની હદ વિસ્તારમાં નવી શીણોલ ગામની સીમમાં SOG પોલીસે એક સ્કોર્પિયો વાહનનો ફિલ્મી ઢબે પીછો કરી તેને ઝડપી પાડ્યું હતું. પોલીસ તપાસ દરમિયાન વાહનમાં તપાસ કરતાં તેમાંથી ૨૭૮.૭૭ કિલોગ્રામ પોશડોડા (કાળાં) મળી આવ્યા હતા, જેની બજાર કિંમત આશરે ૪૧,૮૧,૫૫૦ રૂપિયા થાય છે..

પોલીસે આ કાર્યવાહી દરમિયાન સ્કોર્પિયો વાહન,૨ જીવતા કારતૂસ,૨ મોબાઇલ ફોન અને પોશડોડાનો જથ્થો મળી કુલ ૫૦,૦૧,૫૫૦ રૂપિયાનો મુદ્દામાલ કબજે કર્યો છે.આ માદક પદાર્થની હેરાફેરીના નેટવર્કને ઝડપી પાડવામાં SOG પોલીસને મોટી સફળતા મળી છે.આ અંગે પોલીસ અધિક્ષક મનોહરસિંહ જાડેજાએ માહિતી આપી હતી અને જણાવ્યું હતું કે આ માદક પદાર્થની હેરાફેરીના નેટવર્કને ઉજાગર કરવા અને તેમાં સામેલ અન્ય આરોપીઓને પકડવા માટે વધુ તપાસ હાથ ધરવામાં આવી છે.