Crime
અમદાવાદ: દરિયાપુરના મનપસંદ જીમખાનામાં SMCના દરોડા, 150થી વધુ જુગારીઓ ઝડપાયા
સ્ટેટ મોનિટરિંગ સેલ (SMC) દ્વારા અમદાવાદના દરિયાપુર વિસ્તારમાં આવેલા મનપસંદ જીમખાનામાં મોડી રાત્રે દરોડો પાડીને 150થી વધુ જુગારીઓને ઝડપી પાડ્યા છે. ઘટનાસ્થળેથી મોટી માત્રામાં રોકડ, મોબાઈલ અને વાહનો જપ્ત કરવામાં આવ્યા છે.
અમદાવાદના દરિયાપુર વિસ્તારમાં આવેલા જાણીતા મનપસંદ જીમખાનામાં સ્ટેટ મોનિટરિંગ સેલ (SMC)ની ટીમે મોડી રાત્રે અચાનક દરોડો પાડીને હાઈપ્રોફાઈલ જુગારધામનો પર્દાફાશ કર્યો છે. આ કાર્યવાહી સ્થાનિક પોલીસને કોઈ જાણ કર્યા વિના હાથ ધરવામાં આવી હતી, જેના કારણે પોલીસ તંત્રમાં ખળભળાટ મચી ગયો છે.
રેડ દરમિયાન 150થી વધુ જુગારીઓને અટકાયતમાં લેવામાં આવ્યા છે. સ્થળ પરથી લાખો રૂપિયાની રોકડ, અનેક મોબાઈલ ફોન, વાહનો તેમજ જુગાર રમવા માટે વપરાતી વિવિધ સામગ્રી પણ જપ્ત કરવામાં આવી છે. જીમખાનામાં જુગાર રમાતો હોવાની બાતમી મળતાં જ SMCની ટીમે અચાનક આ ઓપરેશન કર્યું હતું, જેનાથી ત્યાં અફરાતફરી મચી ગઈ હતી.
મનપસંદ જીમખાના લાંબા સમયથી જુગારના અડ્ડા તરીકે જાણીતું છે. આ પહેલાં 2021 અને 2023માં પણ અહીં મોટી રેડો થઈ ચૂકી છે. SMCની વર્તમાન તપાસમાં જુગારધામના સંચાલકો, તેમની સંડોવણી અને પાછળ કોઈ મોટું નેટવર્ક છે કે નહીં તેની ઊંડાણપૂર્વક તપાસ કરવામાં આવી રહી છે. તપાસ દરમિયાન વધુ મોટા ખુલાસા થવાની શક્યતા છે.
રેડ દરમિયાન 150થી વધુ જુગારીઓને અટકાયતમાં લેવામાં આવ્યા છે. સ્થળ પરથી લાખો રૂપિયાની રોકડ, અનેક મોબાઈલ ફોન, વાહનો તેમજ જુગાર રમવા માટે વપરાતી વિવિધ સામગ્રી પણ જપ્ત કરવામાં આવી છે. જીમખાનામાં જુગાર રમાતો હોવાની બાતમી મળતાં જ SMCની ટીમે અચાનક આ ઓપરેશન કર્યું હતું, જેનાથી ત્યાં અફરાતફરી મચી ગઈ હતી.
મનપસંદ જીમખાના લાંબા સમયથી જુગારના અડ્ડા તરીકે જાણીતું છે. આ પહેલાં 2021 અને 2023માં પણ અહીં મોટી રેડો થઈ ચૂકી છે. SMCની વર્તમાન તપાસમાં જુગારધામના સંચાલકો, તેમની સંડોવણી અને પાછળ કોઈ મોટું નેટવર્ક છે કે નહીં તેની ઊંડાણપૂર્વક તપાસ કરવામાં આવી રહી છે. તપાસ દરમિયાન વધુ મોટા ખુલાસા થવાની શક્યતા છે.