ખેડબ્રહ્મા સેવાસદનમાં SDPO કચેરીનું SP ડૉ. પાર્થરાજસિંહ ગોહિલના હસ્તે લોકાર્પણ

સાબરકાંઠા જિલ્લાના ખેડબ્રહ્મા મુકામે આવેલ સેવાસદન ખાતે એસ.ડી.પી.ઓ. (SDPO) કચેરીનું વિધિવત લોકાર્પણ કરવામાં આવ્યું છે. આ પ્રસંગે સાબરકાંઠા જિલ્લા પોલીસ અધિક્ષક (SP) ડૉ. પાર્થરાજસિંહ ગોહિલ ખાસ ઉપસ્થિત રહ્યા હતા અને તેમના વરદ હસ્તે ફીત કાપીને કચેરીનો પ્રારંભ કરવામાં આવ્યો હતો.

આ કાર્યક્રમ દરમિયાન સ્થાનિક અધિકારીઓ અને ઉપસ્થિત અગ્રણીઓ દ્વારા શાસ્ત્રોક્ત વિધિ અને તિલક કરીને એસ.પી. ડૉ. પાર્થરાજસિંહ ગોહિલનું ભાવભર્યું સ્વાગત કરવામાં આવ્યું હતું. લોકાર્પણ બાદ તાળીઓના ગડગડાટ સાથે "જય અંબે"ના નારા ગૂંજી ઉઠ્યા હતા.

ખેડબ્રહ્મા સેવાસદનમાં નવી SDPO કચેરી શરૂ થવાથી આસપાસના વિસ્તારમાં કાયદો અને વ્યવસ્થાની પરિસ્થિતિ વધુ સુદ્રઢ બનશે. આ કચેરી કાર્યરત થવાથી સ્થાનિક નાગરિકોને પોલીસ સંબંધિત કામગીરી માટે સરળતા રહેશે અને ગુનાખોરી પર અંકુશ મેળવવામાં પોલીસ તંત્રને વધુ સફળતા મળશે.

આ પ્રસંગે ઉચ્ચ પોલીસ અધિકારીઓ, પોલીસ કર્મચારીઓ તથા સ્થાનિક અગ્રણીઓ મોટી સંખ્યામાં ઉપસ્થિત રહ્યા હતા.