सरकारी कर्मचाऱ्यांच्या ऑक्टोबरच्या पगारात होणार कपात; एक दिवसाचे वेतन मदतकार्याला देण्याचा शासन निर्णय.

सरकारी कर्मचाऱ्यांच्या ऑक्टोबरच्या पगारात होणार कपात; एक दिवसाचे वेतन मदतकार्याला देण्याचा शासन निर्णय
विशेष वृत्त (Need 24 News):
जिल्हा रिपोर्टर काशिनाथ देसले ठाणे.
तालुका रिपोर्टर किशोर पवार मुरबाड.
दिनांक १८/१०/२०२६.
मुंबई:ठाणे. मुरबाड.
राज्यातील सरकारी कर्मचाऱ्यांसाठी एक महत्त्वाची बातमी समोर येत आहे. शासनाने घेतलेल्या एका नव्या निर्णयानुसार, कर्मचाऱ्यांच्या ऑक्टोबर महिन्याच्या वेतनातून (Salary) एक दिवसाची पगार कपात केली जाणार आहे. गोळा होणारी ही सर्व रक्कम एका विशेष मदतकार्यासाठी वापरण्यात येणार आहे. या संदर्भात प्रशासनाकडून सविस्तर नियमावली जाहीर करण्यात आली आहे.
मूळ वेतन आणि महागाई भत्त्यावर होणार गणना:
शासनाने जारी केलेल्या परिपत्रकानुसार, या एक दिवसाच्या पगार कपातीची गणना कर्मचाऱ्याच्या मूळ वेतनाची (Basic Pay) आणि महागाई भत्त्याची (Dearness Allowance - DA) एकत्रित रक्कम गृहीत धरून केली जाणार आहे.
पारदर्शकतेसाठी प्रत्येक कर्मचाऱ्याची स्वतंत्र नोंद:
मदतकार्यासाठी गोळा होणाऱ्या निधीमध्ये पूर्ण पारदर्शकता असावी, यासाठी शासन पातळीवर काटेकोर नियोजन करण्यात आले आहे. जमा होणाऱ्या रक्कमेची कर्मचारीनिहाय माहिती ठेवण्यासाठी प्रत्येक कार्यालयाला एक स्वतंत्र नोंदवही (Register) तयार करण्याचे आदेश देण्यात आले आहेत.
निधी जमा करून यादी सादर करण्याचे आदेश:
सर्व संबंधित शासकीय कार्यालयांनी जमा झालेली रक्कम अधिकृत निधीत भरून त्याची रीतसर पोचपावती मिळवणे आवश्यक आहे. तसेच, मदत करणाऱ्या देणगीदार कर्मचाऱ्यांची अधिकृत यादी नियमानुसार वरिष्ठ कार्यालयांकडे सादर करण्याचे आदेश देण्यात आले आहेत.
प्रशासनाच्या या महत्त्वपूर्ण भूमिकेमुळे मदतकार्याला एक मोठा हातभार मिळण्याची शक्यता वर्तवली जात आहे.