હિંમતનગરના RTO વિસ્તારમાં કારના બોનેટમાં કોબ્રા ઘૂસી જતાં અફરાતફરી

હિંમતનગરના RTO વિસ્તારમાં આવેલા બાબા નાસ્તા હાઉસ પાસે આજે એક અણધારી ઘટના બની હતી. અહીં અચાનક એક કાળો કોબ્રા સાપ આવી ચડતા આસપાસના લોકોમાં ભારે અફરાતફરીનો માહોલ સર્જાયો હતો. સાપને જોવા માટે થોડી જ વારમાં લોકોનું મોટું ટોળું એકત્ર થઈ ગયું હતું.

આ દરમિયાન, આ ઝેરી કોબ્રા સાપ ત્યાં ઉભેલી એક કારના બોનેટમાં જઈને સંતાઈ ગયો હતો. સાપને કારમાં ઘૂસેલો જોઈને કાર માલિકનો જીવ પડીકે બંધાયો હતો. સાપને બહાર કાઢવા માટે અનેક પ્રયત્નો કરવામાં આવ્યા હતા, પરંતુ તે બહાર નીકળવાનું નામ લેતો નહોતો.

ઘણા પ્રયાસો છતાં સાપ બહાર ન આવતા, અંતે કાર માલિકે હિંમત દાખવી હતી. તેમણે ડર રાખ્યા વિના કાર હંકારી હતી અને ત્યાંથી નીકળી ગયા હતા.