સોજીત્રા પુરવઠા વિભાગમાં RTI બાદ પણ સસ્તા અનાજના ભંડાર અંગે માહિતી ગુપ્ત

સોજીત્રા પુરવઠા વિભાગમાં સસ્તા અનાજના ભંડાર અંગે માહિતી મેળવવા માટે કરવામાં આવેલી RTI અરજી પર કાર્યવાહી કરવામાં વિલંબ થતાં અનેક પ્રશ્નો ઊભા થયા છે. અરજદારે માહિતી અધિકાર અધિનિયમ હેઠળ અરજી કરી હતી, પરંતુ 30 દિવસ વીતી જવા છતાં વિભાગના અધિકારીઓ દ્વારા કોઈ પણ પ્રકારની માહિતી આપવામાં આવી નથી.

આ બાબત સૂચવે છે કે પુરવઠા વિભાગમાં કોઈક મોટી ગેરરીતિ છુપાવવાનો પ્રયાસ કરવામાં આવી રહ્યો છે. સામાન્ય રીતે, RTI અરજીના 30 દિવસની અંદર માહિતી આપવી ફરજિયાત હોય છે, પરંતુ અહીં અધિકારીઓ મૌન સેવી રહ્યા છે, જે શંકાસ્પદ પરિસ્થિતિ દર્શાવે છે.

આગળ શું કાર્યવાહી થશે અને ક્યારે અરજદારને માહિતી મળશે તે જોવું રહ્યું. સ્થાનિક લોકોમાં આ મુદ્દે ચર્ચાનો વિષય બન્યો છે.