સુરત ગ્રામ્ય: અનાવલ પોલીસ વિસ્તારમાં સ્ટેટ મોનિટરિંગ સેલના દરોડામાં ₹૨૧.૬૯ લાખનો દારૂ ઝડપાયો

ગાંધીનગર સ્થિત સ્ટેટ મોનિટરિંગ સેલ (SMC) ની ટીમે સુરત ગ્રામ્યના અનાવલ પોલીસ સ્ટેશન વિસ્તારમાં એક મોટા દરોડાને અંજામ આપ્યો છે. આ કાર્યવાહીમાં કુંમકોતર ગામના જામલપાડા ફળિયામાં આવેલા એક રહેણાંક મકાનમાંથી મોટી માત્રામાં વિદેશી દારૂ અને બિયરનો જથ્થો ઝડપી પાડવામાં આવ્યો છે.

પ્રાપ્ત માહિતી અનુસાર, SMC ની ટીમે બાતમીના આધારે આ દરોડો પાડ્યો હતો. મકાનમાંથી કુલ ₹૨૧.૬૯ લાખની કિંમતનો વિદેશી દારૂ અને બિયરનો જથ્થો મળી આવ્યો હતો. આ ઉપરાંત, દારૂના જથ્થા સાથે સંકળાયેલા વાહનો પણ જપ્ત કરવામાં આવ્યા છે.

આ દરોડા બાદ પોલીસે વધુ તપાસ હાથ ધરી છે. આ દારૂ ક્યાંથી આવ્યો હતો અને કોણ કોણ આ રેકેટમાં સામેલ છે તે અંગેની તપાસ ચાલી રહી છે. SMC ની આ કાર્યવાહીથી દારૂની હેરાફેરી કરતા તત્વોમાં ફફડાટ વ્યાપી ગયો છે.