વલસાડ રેલવે સ્ટેશન પર RPF મહિલા કર્મચારી સાથે અભદ્ર વર્તન, રીક્ષા ચાલક ઝડપાયો

વલસાડ રેલવે સ્ટેશન પર ફરજ બજાવી રહેલી RPFની મહિલા કર્મચારી સાથે અભદ્ર વર્તન કરવાના આરોપમાં અર્જુન નામના રીક્ષા ચાલકને ઝડપી લેવામાં આવ્યો છે. આરોપીએ મહિલા કર્મચારી સાથે ગાળો આપીને કોલર પકડી મારવાની ધમકી આપી હોવાનો આક્ષેપ સામે આવ્યો છે.

ઘટનાની જાણ મહિલા RPF કર્મચારીએ ટીમને કરતાં RPFની ટીમ તાત્કાલિક ઘટના સ્થળે પહોંચી હતી. ત્યારબાદ ટીમે અર્જુન નામના વ્યક્તિને ઝડપી લઈ કાયદેસરની કાર્યવાહી હાથ ધરી હોવાનું જાણવા મળ્યું છે.

ઘટનાને પગલે રેલવે સ્ટેશન પર થોડા સમય માટે ચર્ચાનો માહોલ સર્જાયો હતો.