कृषि
અમરેલી જિલ્લામાં નેનો યુરિયા અને નેનો ડી.એ.પી. ખાતરની ખરીદી પર સહાય યોજના અમલમાં: ખેડૂતોને લાભ લેવા અનુરોધ
અમરેલી જિલ્લામાં નેનો યુરિયા અને નેનો ડી.એ.પી. ખાતરની ખરીદી પર સહાય યોજના અમલમાં: ખેડૂતોને લાભ લેવા અનુરોધ
અમરેલી તા. ૦૬ ઓગસ્ટ, ૨૦૨૬ -
ગુજરાત સરકાર દ્વારા વર્ષ ૨૦૨૬-૨૭ માટે કૃષિ સહાયક યોજનાઓ અંતર્ગત ન્યુ એજીસ ખાતરો એટલે કે નેનો યુરિયા અને નેનો ડી.એ.પી.ની ખરીદી પર તમામ ખેડૂતો માટે વિશેષ સહાય યોજના અમલમાં મૂકવામાં આવી છે. આ યોજના હેઠળ ખેડૂતોને હેક્ટર દીઠ યુનિટ કોસ્ટ અથવા ખરીદ કિંમતના ૫૦% અથવા રૂ. ૭૫૦ની મર્યાદામાં (બેમાંથી જે ઓછું હોય તે મુજબ) ખાતાદીઠ વધુમાં વધુ ચાર હેક્ટર સુધી સહાય મળવાપાત્ર રહેશે. આ યોજનાનો લાભ 'વહેલા તે પહેલા'ના ધોરણે આપવામાં આવશે. લાભ લેવા ઈચ્છુક ખેડૂતોએ પોતાના ગામના ગ્રામસેવકનો સંપર્ક કરી, નજીકના તાલુકામાં નિયત થયેલ અધિકૃત વિતરક સંસ્થા (એબીસી/એએસસી સેન્ટર કે તાલુકા સહકારી સંઘ) ખાતે જમીનના રેકોર્ડ ૮-અ ની નકલ, આધાર કાર્ડની નકલ અને ગ્રામસેવકનો સહાયનો દાખલો સબમિટ કરવાનો રહેશે. આ યોજના અંગે વધુ વિગતો માટે જે તે તાલુકા કક્ષાની ખેતીવાડી કચેરીના વિસ્તરણ અધિકારી (ખેતી) અથવા ગામના ગ્રામસેવકનો સંપર્ક સાધવા અમરેલી જિલ્લા ખેતીવાડી અધિકારીની એક યાદીમાં અનુરોધ કરવામાં આવ્યો છે.
અમરેલી તા. ૦૬ ઓગસ્ટ, ૨૦૨૬ -
ગુજરાત સરકાર દ્વારા વર્ષ ૨૦૨૬-૨૭ માટે કૃષિ સહાયક યોજનાઓ અંતર્ગત ન્યુ એજીસ ખાતરો એટલે કે નેનો યુરિયા અને નેનો ડી.એ.પી.ની ખરીદી પર તમામ ખેડૂતો માટે વિશેષ સહાય યોજના અમલમાં મૂકવામાં આવી છે. આ યોજના હેઠળ ખેડૂતોને હેક્ટર દીઠ યુનિટ કોસ્ટ અથવા ખરીદ કિંમતના ૫૦% અથવા રૂ. ૭૫૦ની મર્યાદામાં (બેમાંથી જે ઓછું હોય તે મુજબ) ખાતાદીઠ વધુમાં વધુ ચાર હેક્ટર સુધી સહાય મળવાપાત્ર રહેશે. આ યોજનાનો લાભ 'વહેલા તે પહેલા'ના ધોરણે આપવામાં આવશે. લાભ લેવા ઈચ્છુક ખેડૂતોએ પોતાના ગામના ગ્રામસેવકનો સંપર્ક કરી, નજીકના તાલુકામાં નિયત થયેલ અધિકૃત વિતરક સંસ્થા (એબીસી/એએસસી સેન્ટર કે તાલુકા સહકારી સંઘ) ખાતે જમીનના રેકોર્ડ ૮-અ ની નકલ, આધાર કાર્ડની નકલ અને ગ્રામસેવકનો સહાયનો દાખલો સબમિટ કરવાનો રહેશે. આ યોજના અંગે વધુ વિગતો માટે જે તે તાલુકા કક્ષાની ખેતીવાડી કચેરીના વિસ્તરણ અધિકારી (ખેતી) અથવા ગામના ગ્રામસેવકનો સંપર્ક સાધવા અમરેલી જિલ્લા ખેતીવાડી અધિકારીની એક યાદીમાં અનુરોધ કરવામાં આવ્યો છે.