વિરમગામના મોટા પરકોટા વિસ્તારમાં ગટરની સમસ્યા, ઠેર ઠેર ગંદા પાણી ઉભરાતા લોકો પરેશાન

વિરમગામ શહેરના મોટા પરકોટા વિસ્તારમાં ગટર લાઇનની સમસ્યાના કારણે ઠેર ઠેર ગંદા પાણી ઉભરાઈ રહ્યા છે. રસ્તાઓ પર ગંદા પાણી ભરાઈ જતાં સ્થાનિક રહેવાસીઓને ભારે હાલાકીનો સામનો કરવો પડી રહ્યો છે. દુર્ગંધ ફેલાવા સાથે મચ્છરોનો ઉપદ્રવ પણ વધ્યો હોવાનું લોકો જણાવી રહ્યા છે.
સ્થાનિકોએ સંબંધિત તંત્રને વહેલી તકે ગટરની સમસ્યાનું કાયમી નિરાકરણ લાવવા અને વિસ્તારની સફાઈ કરાવવા માંગ કરી છે, જેથી રહેવાસીઓને રાહત મળી શકે.