૮૦મા સ્વાતંત્ર્ય પર્વની રાજ્યકક્ષાની ઉજવણી પૂર્વે ધારીમાં સઘન સ્વચ્છતા ઝુંબેશ

૮૦મા સ્વાતંત્ર્ય પર્વની રાજ્યકક્ષાની ઉજવણી પૂર્વે ધારીમાં સઘન સ્વચ્છતા ઝુંબેશ

અમરેલી તા.૩ ઓગસ્ટ, ૨૦૨૬ -
અમરેલીના આંગણે ૮૦મા સ્વાતંત્ર્ય પર્વની રાજ્યકક્ષાની ઉજવણી થવાની છે ત્યારે જિલ્લા વહીવટી તંત્ર દ્વારા પ્રિ-ઇન્ડિપેન્ડન્સ એક્ટિવિટી અંતર્ગત જિલ્લાભરમાં "સ્વચ્છતા અભિયાન" હાથ ધરવામાં આવ્યું છે. આ અભિયાનના અનુસંધાને ધારી નગરપાલિકા વિસ્તારમાં સઘન સ્વચ્છતા ઝુંબેશ યોજાઈ હતી.

આ અભિયાન અંતર્ગત ધારી શહેરના યોગીચોક, અમરેલી રોડ, વિવિધ મુખ્ય બજારો તેમજ અન્ય જાહેર સ્થળોએ સફાઈ કામગીરી હાથ ધરવામાં આવી હતી. શહેરને સ્વચ્છ, સુંદર અને સુવ્યવસ્થિત બનાવવા હાથ ધરાયેલી આ કામગીરીમાં નગરપાલિકાએ સક્રિય ભાગ ભજવ્યો હતો.