Weather
શેત્રુંજી ડેમમાં પાણીની આવક વધતા ધારાસભ્ય ભીખાભાઈ બારૈયાએ સ્થિતિનું નિરીક્ષણ કર્યું
તાજેતરના સારા વરસાદના પગલે શેત્રુંજી ડેમમાં પાણીની આવક નોંધપાત્ર રીતે વધી છે. પાલિતાણાના ધારાસભ્ય ભીખાભાઈ બારૈયાએ ડેમની મુલાકાત લઈ પાણીની આવક અને જળસંગ્રહની સ્થિતિનું નિરીક્ષણ કર્યું તેમજ અધિકારીઓ પાસેથી જરૂરી માહિતી મેળવી. તેમણે નાગરિકોને અપીલ કરી છે કે ડેમમાંથી પાણી છોડવામાં આવે ત્યારે તંત્રની સૂચનાઓનું પાલન કરે અને નદીના પટમાં જવાનું ટાળે.
ભાવનગર જિલ્લાના જીવનદાયી શેત્રુંજી ડેમમાં સારા વરસાદ બાદ પાણીની આવક વધી રહી છે. આ પરિસ્થિતિને ધ્યાનમાં રાખીને પાલિતાણાના ધારાસભ્ય ભીખાભાઈ બારૈયાએ આજે ડેમની મુલાકાત લઈ જળસંગ્રહની સ્થિતિનું નિરીક્ષણ કર્યું. તેમણે જણાવ્યું કે ડેમમાં પૂરતું પાણી આવવાથી ખેડૂતો, સિંચાઈ અને પીવાના પાણી માટે રાહત મળશે. સાથે જ નાગરિકોને સલામતીને ધ્યાનમાં રાખી તંત્રની સૂચનાઓનું પાલન કરવાની અપીલ પણ કરી છે.