લુણાવાડામાં ટ્રક બેકાબૂ બની

લુણાવાડા નગરમાંથી પસાર થતા સ્ટેટ હાઈવે પર ચારકોશિયા નાકા પાસેથી પસાર થઈ રહેલા એક ટ્રકના ચાલકે અચાનક વાહન પરનો કાબૂ ગુમાવી દીધો હતો. બેકાબૂ બનેલી ટ્રક રસ્તા કિનારે આવેલી એક દુકાનની બહાર ઉભા કરાયેલા પોલ સાથે જોરદાર ધડાકા ભેર અથડાઈ ત્યારબાદ અકસ્માત સર્જાયો તે દરમિયાન ટ્રકે બહાર પાર્ક કરેલી બે મોટરસાયકલોને પણ પોતાની અડફેટે લઈ લીધી હતી. આ ઘટનામાં બંને બાઈકને ભારે નુકસાન પહોંચ્યું હતું. સદભાગ્યે આ અકસ્માત સમયે બાઈક પર કોઈ સવાર ન હોવાથી કોઈ પણ પ્રકારની જાનહાની નોંધાઈ નથી, ઘટના બાદ બનાવની જાણ થતા લુણાવાડા ટાઉન પોલીસ તાત્કાલિક ઘટના સ્થળે પહોંચી ગઈ હતી અને ટ્રક ચાલક સામે ગુન્હો નોધી તપાસ હાથ ધરેલ હતી