ભારે વરસાદથી મોટા હરિપુરા–નાની કુમાડ માર્ગ તૂટ્યો, અધિકારીઓએ સ્થળ મુલાકાત લઈ સમારકામ શરૂ કરવાની આપી ખાતરી

વિરમગામ તાલુકાના મોટા હરિપુરા અને નાની કુમાડ ગામ વચ્ચે આવેલા નર્મદા કેનાલ ઉપરનો માર્ગ ભારે વરસાદને કારણે તૂટી જતાં સ્થાનિક લોકોની અવરજવર પ્રભાવિત થઈ છે.
આ ઘટનાને લઈને વિરમગામના ધારાસભ્ય હાર્દિક પટેલે સ્થળની મુલાકાત લીધી હતી. તેમણે નર્મદા વિભાગના અધિકારીઓ સાથે પરિસ્થિતિની સમીક્ષા કરી અને રસ્તાના તાત્કાલિક સમારકામની કામગીરી શરૂ કરવા સૂચના આપી હતી.
ધારાસભ્યએ જણાવ્યું કે સ્થાનિક લોકોને વહેલી તકે સુરક્ષિત અને સરળ અવરજવર મળી રહે તે માટે જરૂરી તમામ કાર્યવાહી કરવામાં આવશે અને જનસુવિધાને પ્રથમ પ્રાથમિકતા આપવામાં આવશે.