કેવડીયા–તણખલા રોડ પર નિર્માણાધીન ચાર પુલના ડાયવર્ઝન પર પાણી ફરી વળતાં માર્ગ બંધ

કેવડીયા–તણખલા માર્ગ પર નિર્માણાધીન ચાર પુલ પાસે બનાવવામાં આવેલા ડાયવર્ઝન પરથી વરસાદી પાણી ઓવરટોપિંગ થવાના કારણે હાલ આ માર્ગ વાહનવ્યવહાર માટે સંપૂર્ણપણે બંધ કરવામાં આવ્યો છે.
સતત વરસાદને પગલે પાણીનો પ્રવાહ વધતાં ડાયવર્ઝન પરથી પાણી ફરી વળ્યું છે, જેના કારણે વાહનચાલકોની સુરક્ષાને ધ્યાનમાં રાખીને તંત્ર દ્વારા માર્ગ પર અવરજવર રોકી દેવામાં આવી છે.
પ્રવાસીઓ અને સ્થાનિક લોકોને આ માર્ગનો ઉપયોગ ટાળવા તેમજ વૈકલ્પિક માર્ગનો ઉપયોગ કરવા અપીલ કરવામાં આવી છે.