વડોદરામાં ગેરકાયદેસર ગાંજાનો જથ્થો ઝડપાયો, ત્રણ લોકો ધરપકડમાં

વડોદરા શહેરમાં સયાજીગંજ પોલીસ દ્વારા એક મહત્વની કાર્યવાહી કરવામાં આવી છે, જેમાં 474 ગ્રામ ગાંજાનો જથ્થો અને અન્ય મુદ્દામાલ સાથે ત્રણ લોકોની ધરપકડ કરવામાં આવી છે. આ કાર્યવાહી વડોદરા રેલવે સ્ટેશનના પ્લેટફોર્મ નં 6 નજીકના જય માતાજી પાર્કિંગ વિસ્તારમાં કરવામાં આવી હતી.

પોલીસે ધરપકડ કરેલ આરોપીઓમાં આસીફ ઉર્ફે માહીર યાસીનભાઈ વ્હોરા, રૂકસાના વા/ઓ જીતેન્દ્રસીંગ ઈશ્વરસીંગ ઠાકોર અને પુષ્પા વા/ઓ અનીલભાઈ લાલ બહાદુર ગરાસીયાનો સમાવેશ થાય છે. પોલીસે કબ્જે કરેલ મુદ્દામાલની કુલ કિંમત રૂ. 37,040/- હોવાનું જણાવ્યું છે.

આરોપીઓ પાસેથી કબ્જે કરેલ મુદ્દામાલમાં 474 ગ્રામ ગાંજાનો જથ્થો, એક પ્લાસ્ટિકનો ડબ્બો, રોકડા રૂ. 8340/- અને એક રીયલમી કંપનીનો મોબાઈલ ફોન સામેલ છે, જેની કિંમત રૂ. 5000/- છે. પોલીસ દ્વારા કરવામાં આવેલી આ કાર્યવાહી શહેરમાં ગેરકાયદેસર માદક પદાર્થોની વિક્રય સામેની કડક કાર્યવાહીનો ભાગ છે.