અમદાવાદ એરપોર્ટ પર કસ્ટમ્સની મોટી કાર્યવાહી, ગેરકાયદેસર સોનાનો જપ્ત

અમદાવાદ ઇન્ટરનેશનલ એરપોર્ટ પર કસ્ટમ્સ એર ઇન્ટેલિજન્સ યુનિટ (AIU) દ્વારા એક મહત્વપૂર્ણ કાર્યવાહી કરવામાં આવી છે. શારજાહથી ફ્લાઇટ નંબર G9-418 દ્વારા અમદાવાદ પહોંચેલા એક મહિલા અને એક પુરૂષ મુસાફર પાસેથી ગેરકાયદેસર રીતે લવાતું સોનું તથા અન્ય કિંમતી સામાન જપ્ત કરવામાં આવ્યું છે.

જપ્ત કરાયેલ સોનું 219.43 ગ્રામ છે, જેમાં 24 Kt અને 18 Kt જ્વેલરીનો સમાવેશ થાય છે. આ સોનાની બજાર કિંમત અંદાજે ₹ 28,87,473/- છે.

તે સિવાય, કસ્ટમ્સ દ્વારા 2 લેપટોપ, 1 મોબાઈલ ફોન, કોસ્મેટિક્સ અને રેડીમેડ ગારમેન્ટ્સ પણ જપ્ત કરવામાં આવ્યા છે, જેની કુલ અંદાજિત કિંમત ₹ 3,50,000/- છે. આ તમામ સામાન સાથે મળીને કુલ મુદામાલની કિંમત અંદાજે ₹ 32.37 લાખ થાય છે.

આ કાર્યવાહી કસ્ટમ્સ એક્ટ, 1962 હેઠળ ગુનો નોંધી આગળની તપાસ હાથ ધરવામાં આવી છે.