પેટલાદમાં સતત વરસાદ: નગરપાલિકા તંત્ર એક્શનમાં

સતત વરસી રહેલા વરસાદને કારણે પેટલાદ શહેરના મુખ્ય માર્ગો તેમજ નીચાણવાળા વિસ્તારોમાં વરસાદી પાણી ભરાઈ ન રહે અને તેનો ઝડપી નિકાલ થઈ શકે તે માટે પેટલાદ નગરપાલિકાની ટીમ દ્વારા તાત્કાલિક કામગીરી હાથ ધરવામાં આવી.

નગરપાલિકાની ટીમ સ્થળ પર હાજર રહી વરસાદી પાણીના નિકાલ માટે જરૂરી વ્યવસ્થા કરી રહી છે, જેથી શહેરજનોને અવરજવર દરમિયાન મુશ્કેલી ન પડે અને જનજીવન સામાન્ય રહે.

વરસાદી પરિસ્થિતિને ધ્યાનમાં રાખી વિવિધ વિસ્તારોમાં સતત દેખરેખ રાખી જરૂરી કામગીરી કરવામાં આવી રહી છે.