કામરેજ હલધરુ ગામના તલાટી કમ મંત્રી અને કોમ્પ્યુટર ઓપરેટર રૂ ૭૫૦૦ ની લાંચ લેતા ઝડપાયા.

કામરેજ તાલુકાના હલધરુ ગ્રામ પંચાયતમાં નવા બાંધકામની આકારણી કરવા માટે અરજદાર પાસેથી રૂ.૭૫૦૦ ની લાંચ સ્વીકારતા તલાટી કમ મંત્રી ભરતભાઈ વાળાને એ.સી.બી.એ ગ્રામ પંચાયત કચેરીમાં જ રંગે હાથ ઝડપી પાડ્યા હતા.આ કાર્યવાહી દરમિયાન ગ્રામ પંચાયતનો કોમ્પ્યુટર ઓપરેટર નિખિલ ભાલિયા પણ એ.સી.બી ની જાળમાં સપડાયો હતો. એ.સી.બી.એ બંને સામે ભ્રષ્ટાચાર નિવારણ અધિનિયમ હેઠળ ગુનો નોધી વધુ તપાસ શરૂ કરી છે.