🔥 TRENDING Tamil Nadu MLA VS Babu, Who Defeated M... Former Hazaribag MP Passes Away at 90 Bhopal’s New ‘Khel Gaon’ to Blend Hock... Madhya Pradesh unveils Rs 4.38 lakh cr... अजमेर में पंचायती चुनाव की मतगणना से ए... तिलहर में सपा के PDA कार्यकर्ता सम्मेल...
19 Nov 2026•
ગુજરાતી मराठी ਪੰਜਾਬੀ বাংলা
Local

ಕರೋಡಿಮಲ್ ಕಾಲೋನಿಯಲ್ಲಿ ತೆರೆದ ಬಾವಿಗಳ ನೀರಿನ ಮಟ್ಟ ಕುಸಿಯುವ ಆತಂಕ, ಶಾಶ್ವತ ಕುಡಿಯುವ ನೀರಿನ ವ್ಯವಸ್ಥೆಗೆ ನಿವಾಸಿಗಳ ಮನವಿ

✍️ Reporter: Basavaraj pujari 🗓 19 Nov 2026, 07:10 PM 👁 21
Share: 💬 WhatsApp 📘 Facebook 𝕏 Post

ಬೀದರ್ ನಗರದಲ್ಲಿರುವ ಕರೋಡಿಮಲ್ ಕಾಲೋನಿಯ ನಿವಾಸಿಗಳು ಬೇಸಿಗೆಯ ತಾಪದಿಂದ ತೆರೆದ ಬಾವಿಗಳ ನೀರಿನ ಮಟ್ಟ ಕುಸಿಯುವ ಭಯದಿಂದ ಶಾಶ್ವತ ಕುಡಿಯುವ ನೀರಿನ ವ್ಯವಸ್ಥೆಗಾಗಿ ಮಹಾನಗರ ಪಾಲಿಕೆ ಆಯುಕ್ತರಿಗೆ ಮನವಿ ಸಲ್ಲಿಸಿದ್ದಾರೆ.

ಕರೋಡಿಮಲ್ ಕಾಲೋನಿಯಲ್ಲಿ ಬೇಸಿಗೆಯ ಬಿಸಿಲಿನ ತಾಪ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಮನೆಗಳಲ್ಲಿರುವ ತೆರೆದ ಬಾವಿಗಳ ನೀರಿನ ಮಟ್ಟ ಕುಸಿಯುವ ಆತಂಕ ಹೆಚ್ಚಾಗಿದೆ. ಬಾವಿಗಳು ಬತ್ತಿಹೋದರೆ ಕಾಲೋನಿಯ ನಿವಾಸಿಗಳು ತೀವ್ರ ಕುಡಿಯುವ ನೀರಿನ ಸಮಸ್ಯೆ ಎದುರಿಸಬೇಕಾಗಬಹುದು.

ಕಾಲೋನಿಯ ಅನೇಕ ಮನೆಗಳಲ್ಲಿ ತೆರೆದ ಬಾವಿಗಳು ಮುಖ್ಯ ಕುಡಿಯುವ ನೀರಿನ ಮೂಲವಾಗಿವೆ. ತೀವ್ರ ತಾಪದಿಂದ ಅಂತರಜಲ ಮಟ್ಟ ಕುಸಿಯುವ ಸಾಧ್ಯತೆ ಹೆಚ್ಚಿದ್ದು, ಮುನ್ನೆಚ್ಚರಿಕೆ ಕ್ರಮ ತೆಗೆದುಕೊಳ್ಳಬೇಕೆಂದು ನಿವಾಸಿಗಳು ಮನವಿ ಮಾಡಿದ್ದಾರೆ.

ಸುಭಾಷ್ ಚಂದ್ರ ಬೋಸ್ ಗೆಳೆಯರ ಬಳಗದ ಮೂಲಕ ಮಹಾನಗರ ಪಾಲಿಕೆ ಆಯುಕ್ತರಿಗೆ ಮನವಿ ಪತ್ರವನ್ನು ಪ್ರಭಾರಿ ಆಡಳಿತ ಅಧಿಕಾರಿಗೆ ಸಲ್ಲಿಸಲಾಗಿದೆ. ಪತ್ರದಲ್ಲಿ ಪೈಪ್‌ಲೈನ್ ಸಂಪರ್ಕದ ಸಾಧ್ಯತೆಗಳ ಪರಿಶೀಲನೆ, ಹೊಸ ಪೈಪ್‌ಲೈನ್ ಅಳವಡಿಕೆ, ಸಮರ್ಪಕ ನೀರು ಸರಬರಾಜು ಮತ್ತು ಪರ್ಯಾಯ ನೀರಿನ ಮೂಲಗಳ ಮೂಲಕ ನಿರಂತರ ಶುದ್ಧ ಕುಡಿಯುವ ನೀರು ಒದಗಿಸುವಂತೆ ಬೇಡಿಕೆ ಮಾಡಲಾಗಿದೆ.

ಮಹಾನಗರ ಪಾಲಿಕೆಯ ಅಧಿಕಾರಿಗಳು ಕಾಲೋನಿಗೆ ಭೇಟಿ ನೀಡಿ ಪರಿಸ್ಥಿತಿ ಪರಿಶೀಲಿಸಬೇಕು, ತಾತ್ಕಾಲಿಕ ಕ್ರಮಗಳ ಬದಲಾಗಿ ದೀರ್ಘಕಾಲಿಕ ಯೋಜನೆ ರೂಪಿಸಿ ಬೇಸಿಗೆಯಲ್ಲಿ ನೀರಿನ ಸಂಕಷ್ಟ ಎದುರಾಗದಂತೆ ಕ್ರಮ ಕೈಗೊಳ್ಳಬೇಕು ಎಂದು ಗುಂಪು ಒತ್ತಾಯಿಸಿದೆ.

ಈ ಮನವಿ ಸಭೆಯಲ್ಲಿ ಸುಭಾಷ್ ಚಂದ್ರ ಬೋಸ್ ಗೆಳೆಯರ ಬಳಗದ ಅಧ್ಯಕ್ಷ ವೀರಶೆಟ್ಟಿ ಬಿರಾದಾರ, ಪ್ರಧಾನ ಕಾರ್ಯದರ್ಶಿ ಸೋಮನಾಥ ಬಿರಾದಾರ, ಉಪಾಧ್ಯಕ್ಷ ಶಂಕರ ಬಂಬುಳಗೆ, ಗೌರವಾಧ್ಯಕ್ಷ ಅಶೋಕ ಪಾಟೀಲ, ಖಜಾಂಚಿ ಪವನ ಪಾಟೀಲ್, ಕಾರ್ಯಕಾರಿ ಸದಸ್ಯರು ನರಸಾರೆಡ್ಡಿ ನಂದ್ಯಾಳಕರ್, ಸಂತೋಷ ಸುಂಕದ, ಅಣ್ಣಾಜಿ ಪಾಟೀಲ್, ಗಣಪತರಾವ ಜೋಜನೆ, ಪ್ರವೀಣ ಕುಮಾರ ರಾಗಾ ಹಾಗೂ ನಾಗೇಂದ್ರ ವಡ್ಡಿ ಸೇರಿದಂತೆ ಹಲವರು ಹಾಜರಿದ್ದರು.
📲Get App