🔥 ट्रेंडिंग कटिहार में फोन पर बात करते करते गिर पड... चंद्रपूरच्या प्रियदर्शनी चौकात पुरुषाच... ଆଜି କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ପ୍ରଥମ ଶ... ବାତ୍ୟା ମୁକାବିଲା ପାଇଁ ଆକ୍ସନ ମୋଡ୍‌ରେ ସରକ... कुलगाम में लेटिफ़ भाट की मौत, लतक का ऑ... जम्मू और कश्मीर सरकार ने तीन अधिकारियो...
18 नव. 2026•
ગુજરાતી मराठी ਪੰਜਾਬੀ বাংলা
राजनीति

ଶୀତ ଅଧିବେଶନ ଆରମ୍ଭ, ବାତ୍ୟା "ଅର୍ଣ୍ଣବ"ଜନିତ ମୃତାହତଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆଗତ

✍️ रिपोर्टर: Deepak Mahapatra 🗓 18 नव. 2026, 02:40 PM 👁 29
शेयर करें: 💬 WhatsApp 📘 Facebook 𝕏 Post
ଭୁବନେଶ୍ୱର: ସପ୍ତଦଶ ବିଧାନସଭାର ଅଷ୍ଟମ ବା ଶୀତକାଳୀନ ଅଧିବେଶନ ବୁଧବାର ଠାରୁ ଆରମ୍ଭ ହୋଇଛି । ପ୍ରଥମ ଦିନରେ ଶୋକ ପ୍ରସ୍ତାବ ଆଗତ ହୋଇଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦିବଙ୍ଗତ ସ୍ୱର୍ଗୀୟ ଆତ୍ମାଙ୍କ ଶାନ୍ତି ଓ ସଦଗଦି ନିମନ୍ତେ ଗୃହରେ ଶୋକ ପ୍ରସ୍ତାବ ଆଗତ କରିଛନ୍ତି ।

ମୁଖ୍ୟମନ୍ତ୍ରୀ ବାତ୍ୟା "ଅର୍ଣ୍ଣବ" ଏବଂ ପର ମୁହୂର୍ତ୍ତରେ ବନ୍ୟା, ଭୂସ୍ଖଳନରେ ଗଞ୍ଜାମ, ଗଜପତି ଓ କନ୍ଧମାଳରେ ପ୍ରାଣ ହରାଇଥିବା ୧୦ ଜଣଙ୍କ ଆତ୍ମାର ସଦଗତି ଏବଂ ପରିବାର ବର୍ଗଙ୍କ ପ୍ରତି ସମବେଦନା ଜଣାଇ ଶୋକ ପ୍ରସ୍ତାବ ଆଗତ କରିଛନ୍ତି । ପୂର୍ବତନ ମନ୍ତ୍ରୀ ସ୍ୱର୍ଗତ ରାସବିହାରୀ ବେହେରା, ପୂର୍ବତନ ବିଧାୟକ ସ୍ୱର୍ଗତ କାହ୍ନଚରଣ ନାୟକ, ପୂର୍ବତନ କନଷ୍ଟେବଳ ସ୍ୱର୍ଗତ ଅଜୟ ଓ ସ୍ୱର୍ଗତ ହିମାଂଶୁ ରାୟଙ୍କ ଉଦ୍ଦେଶ୍ୟରେ ଶୋକ ପ୍ରସ୍ତାବ ଆଗତ ହୋଇଥିଲା । ବିଧାନସଭାରେ ଶୋକ ପ୍ରସ୍ତାବ ସମୟରେ ଗୃହକୁ ଅବଗତ କରିବା ସହ ସେମାନଙ୍କ ସ୍ୱର୍ଗୀୟ ଆତ୍ମାର ସଦଗତି କାମନା କରିଛନ୍ତି ମୁଖ୍ୟମନ୍ତ୍ରୀ । ବିରୋଧୀ ଦଳ ନେତା ନବୀନ ପଟ୍ଟନାୟକ, କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡ଼ାମ ଏବଂ ସିପିଆଇଏମ୍ ସଦସ୍ୟ ଶୋକ ପ୍ରସ୍ତାବକୁ ସମର୍ଥନ କରିବା ସହିତ ଶୋକ ବ୍ୟକ୍ତ କରିଛନ୍ତି । ଏହା ପରେ ଗୃହରେ ଏକ ମିନିଟ୍ ନୀରବ ପ୍ରାର୍ଥନା କରାଯାଇଥିଲା ।

ଏହି ଅଧିବେଶନ ଡିସେମ୍ବର ୩୧ଯାଏଁ ଚାଲିବାର ରହିଛି । ଏଥିରେ ମୋଟ ୩୩ଟି ଗୃହ କାର୍ଯ୍ୟ ରହିଛି । ଆଜି ଦ୍ୱିତୀୟ ଅଧ୍ୟାୟରେ ରାଜ୍ୟ ପାଇଁ ଅତିରିକ୍ତ ବଜେଟ୍ ଆଣିବେ ମୁଖ୍ୟମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ଚରଣ ମାଝୀ।
📲Get App