🔥 ट्रेंडिंग ज्येष्ठ तमाशा कलावंत कमळाबाई चव्हाण या... मनीषा बाई ने कुशालपुरा में सरपंच चुनाव... उत्तarakhand के सीएम पुष्कर सिंह धामी... यात्रि ने बताया, उत्तराखंड बस दुर्घटना... 2 मादक पदार्थ तस्कर गिरफ्तार, 215 प्रत... प्रधानमंत्री मोदी ने उत्तराखंड बस दुर्...
17 नव. 2026•
ગુજરાતી मराठी ਪੰਜਾਬੀ বাংলা

જનજાતીય ગૌરવ સપ્તાહમાં દેશી રમતોનો રંગ જામ્યો! ડેડીયાપાડા, ચીકદા અને સાગબારામાં યોજાયો પરંપરાગત રમતોત્સવ

✍️ रिपोर्टर: Bhailalbhai Baria 🗓 17 नव. 2026, 02:32 PM 👁 22
शेयर करें: 💬 WhatsApp 📘 Facebook 𝕏 Post
ધરતી આબા ભગવાન બિરસા મુંડાજીની ૧૫૧મી જન્મજયંતિની ઉજવણીના ભાગરૂપે નર્મદા જિલ્લામાં તા. ૧૮ નવેમ્બર સુધી જનજાતીય ગૌરવ સપ્તાહની ઉજવણી કરવામાં આવી રહી છે. જે અંતર્ગત ડેડીયાપાડા, ચીકદા અને સાગબારા ખાતે પરંપરાગત ગ્રામીણ રમતોત્સવનું આયોજન કરવામાં આવ્યું હતું.

ડેડીયાપાડાની સેન્ટ ઝેવિયર્સ ઇંગ્લિશ મીડિયમ સ્કૂલના સ્પોર્ટ્સ ગ્રાઉન્ડ ખાતે યોજાયેલા રમતોત્સવમાં વિદ્યાર્થીઓ તેમજ ઓપન એજ ગ્રુપના સ્પર્ધકોએ મોટી સંખ્યામાં ભાગ લીધો હતો. આર્ચરી, કબડ્ડી, ખો-ખો, શૂટિંગ વોલીબોલ અને દોરડા ખેંચ જેવી દેશી રમતોમાં ખેલાડીઓએ ઉત્સાહપૂર્વક પોતાની પ્રતિભા અને ખેલદિલીનું પ્રદર્શન કર્યું હતું.

આ રમતોત્સવનો મુખ્ય હેતુ આદિવાસી સમાજની પરંપરાગત રમતો અને સાંસ્કૃતિક વારસાનું જતન કરવાની સાથે ગ્રામ્ય વિસ્તારની રમતગમત પ્રતિભાઓને પ્રોત્સાહન આપવાનો હતો. આ ઉપરાંત યુવાનોમાં શારીરિક સ્વાસ્થ્ય, એકતા, સહકાર અને આત્મવિશ્વાસની ભાવના વિકસે તે દિશામાં પણ આયોજન કરવામાં આવ્યું હતું.

આ પ્રસંગે નર્મદા જિલ્લાના વોલીબોલ કોચ વિષ્ણુભાઈ વસાવા, સ્વિમિંગ કોચ જૈમિન કંથારીયા સહિત વિવિધ રમતોના કોચ અને ટ્રેનર્સ ઉપસ્થિત રહ્યા હતા. તેમણે ખેલાડીઓને રમતની તકનીકી બાબતો અંગે માર્ગદર્શન આપી પ્રોત્સાહિત કર્યા હતા.

આમ, જનજાતીય ગૌરવ સપ્તાહ અંતર્ગત યોજાયેલા રમતોત્સવથી આદિવાસી સમાજની પરંપરાગત રમત સંસ્કૃતિને પ્રોત્સાહન મળવાની સાથે ગ્રામ્ય યુવા પ્રતિભાઓને પોતાની ક્ષમતા દર્શાવવા મંચ પ્રાપ્ત થયો હતો.
📲Get App