🔥 TRENDING Actress Ishita Dutta Enjoys Family Hol... New Menu Unveiled for Bengaluru‑Goa Va... Madhya Pradesh MLA urges tribal famili... Rs 55 lakh worth of liquor seized near... Dear Legend Monday Lottery Draw Declar... Nagaland journalists dubbed ‘interlocu...
16 Nov 2026•
ગુજરાતી मराठी ਪੰਜਾਬੀ বাংলা
Local

જૂનાગઢ પરિક્રમા માટે સ્થાનિક રિક્ષાચાલકોને પાસ આપવામાં આવશે: પોલીસ દ્વારા નવી વ્યવસ્થા

✍️ Reporter: Bhalodiya Samirkumar 🗓 16 Nov 2026, 11:07 PM 👁 26
Share: 💬 WhatsApp 📘 Facebook 𝕏 Post

જૂનાગઢ પોલીસ દ્વારા પરિક્રમા દરમિયાન ટ્રાફિક અને સુરક્ષા વ્યવસ્થા જાળવવા માટે માત્ર સ્થાનિક રિક્ષાચાલકોને જ પાસ આપવાનો નિર્ણય લેવામાં આવ્યો છે.

જૂનાગઢમાં યોજાનારી પરિક્રમા દરમિયાન ટ્રાફિક વ્યવસ્થા, કાયદો અને વ્યવસ્થા જળવાઈ રહે તેમજ યાત્રાળુઓને સુરક્ષિત અને સુખદ અનુભવ મળે તે હેતુથી પોલીસ તંત્ર દ્વારા ખાસ વ્યવસ્થા કરવામાં આવી છે. પોલીસની સૂચના મુજબ, પરિક્રમા દરમિયાન માત્ર જૂનાગઢના સ્થાનિક રિક્ષાચાલકોને જ પાસ આપવામાં આવશે.

પાસ મેળવવા માટેની પ્રક્રિયા તા. ૧૭ અને ૧૮ નવેમ્બર, ૨૦૨૬ના રોજ હાથ ધરવામાં આવી છે. રિક્ષાચાલકોએ આ નિર્ધારિત તારીખો દરમિયાન પોતાના પાસ મેળવવાના રહેશે.

પાસ મેળવવા માટે પોલીસ દ્વારા કેટલીક કડક શરતો રાખવામાં આવી છે. રિક્ષાચાલકો પાસે રિક્ષાના તમામ જરૂરી દસ્તાવેજો હોવા ફરજિયાત છે. વધુમાં, રિક્ષાનો ઉપયોગ કોઈ પણ ગુનાહિત પ્રવૃત્તિમાં થયેલો ન હોવો જોઈએ અને રિક્ષાચાલકનો કોઈ ગુનાહિત ઇતિહાસ હોવો જોઈએ નહીં.

જૂનાગઢ પોલીસ દ્વારા સ્પષ્ટ કરવામાં આવ્યું છે કે આ પાસ માત્ર શહેરના સ્થાનિક રિક્ષાચાલકો માટે જ ઉપલબ્ધ રહેશે, જેથી પરિક્રમા દરમિયાન વ્યવસ્થા સુવ્યવસ્થિત રીતે ચાલી શકે.
📲Get App