🔥 TRENDING Madhya Pradesh to See Warm Mawthe Afte... जोरदाग में छठ पूजा पर श्रद्धालुओं को श... ୧୩୨୬୭କୋଟି ଟଙ୍କାର ୟୁସି ଦେଇପାରୁନି ପଂଚାୟତ... ಕುಣಿಗಲ್‌ನಲ್ಲಿ ತಂದೆ ಕಬ್ಬಿಣದ ಸಲಾಕೆಯಿಂದ 1... गुर्जर समाज के सबसे पुराने हेड टीसी रा... ଆବାସ’ ବଂଟନର ଶୁଭାରମ୍ଭ, ଆଉ ଲକ୍ଷେ ଘର ମଞ୍ଜ...
16 Nov 2026•
ગુજરાતી मराठी ਪੰਜਾਬੀ বাংলা
Local

ମା' ଓ ଛୁଆ ହାତୀର ମୃତ୍ୟୁ ଘଟଣା: ଫରେଷ୍ଟର ଓ ଫରେଷ୍ଟ ଗାର୍ଡ ନିଲମ୍ବିତ, ଅଭିଯୁକ୍ତ ଗିରଫ

✍️ Reporter: Deepak Mahapatra 🗓 16 Nov 2026, 11:24 AM 👁 13
Share: 💬 WhatsApp 📘 Facebook 𝕏 Post
ଢେଙ୍କାନାଳ ଜିଲ୍ଲା କାମାକ୍ଷାନଗର ପଶ୍ଚିମ ରେଞ୍ଜରେ ହୋଇଥିବା ହାତୀ ମୃତ୍ୟୁ ଘଟଣାରେ ବିଭାଗୀୟ ଓ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କାର୍ଯ୍ୟରେ ଅବହେଳା ଅଭିଯୋଗରେ ବନ ବିଭାଗ ପକ୍ଷରୁ ଦୁଇ ଜଣ ବନ କର୍ମଚାରୀଙ୍କୁ ନିଲମ୍ବିତ କରାଯାଇଛି। ସେମାନେ ହେଉଛନ୍ତି ଅଁଳାବେରେଣୀ ସେକ୍ସନର ଫରେଷ୍ଟର ଶୁଭେନ୍ଦୁ ଭୂୟାଁ ଓ କଦଳୀପାଳ ବିଟ୍‌ର ଫରେଷ୍ଟ ଗାର୍ଡ ମନସ୍ମିତା ବରାଳ।
ଅନ୍ୟପକ୍ଷରେ ଏହି ଘଟଣାରେ ସମ୍ପୃକ୍ତି ଅଭିଯୋଗରେ ଗୋଦରିବିଲି ଗ୍ରାମର ୫୧ ବର୍ଷୀୟ କୁମାର ନାଏକଙ୍କୁ ଗିରଫ କରାଯାଇଛି ବୋଲି ସୂଚନା ଦେଇଛନ୍ତି ଢେଙ୍କାନାଳ ବନଖଣ୍ଡ ଅଧିକାରୀ ।
ଗତକାଲି ଗୋଦରିବିଲି ଗ୍ରାମ ନିକଟସ୍ଥ ଏକ ଚାଷ ଜମିରୁ ମା' ଓ ଛୁଆ ହାତୀର ମୃତଦେହ ମିଳିଥିଲା । ଚାଷ ଜମିରେ ସୋଲାର ବାଡ଼ ପାଇଁ ବେଆଇନ ଭାବେ ଲଗାଯାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଉଭୟ ହାତୀଙ୍କର ମୃତ୍ୟୁ ହୋଇଥିବା ନେଇ ସନ୍ଦେହ କରାଯାଉଛି। ଏହି ଘଟଣାର ତଦନ୍ତ ଜାରି ରହିଛି।
📲Get App