સાબરકાંઠા માં જનજાતીય ગૌરવ દિવસ પર વિજયનગરમાં શબરી બુથ અને જોહાર કેફેનું ઉદ્ઘાટન..

સાબરકાંઠામાં-:
જનજાતીય ગૌરવ દિવસની ઉજવણીના ભાગરૂપે વિજયનગર તાલુકાના આંતરસુંબા વિસ્તારમાં શબરી બુથ અને ખેડબ્રહ્મા તાલુકા પંચાયત ખાતે જોહાર કેફેનું ઉદ્ઘાટન કરવામાં આવ્યું.આ પહેલ દ્વારા આદિવાસી સમુદાયના પરંપરાગત ઉત્પાદનોને સ્થાનિક બજારમાં પ્રદર્શિત કરવા મહિલા સ્વસહાય જૂથોને નોકરીના અવસર પૂરા પાડવા અને નાગરિકોને સ્થાનિક સેવાઓનો લાભ આપવાનો ઉદ્દેશ્ય રાખવામાં આવ્યો છે..

શબરી બુથ અને જોહાર કેફેની સ્થાપનાથી આદિવાસી હસ્તકલા, ખાદ્યપદાર્થો અને અન્ય ઉત્પાદનોને સીધા ગ્રાહકો સુધી પહોંચાડવામાં સહાય મળશે, જેનાથી સ્થાનિક અર્થતંત્રમાં સકારાત્મક પ્રભાવ પડશે.આ કાર્યક્રમ દ્વારા નાગરિકો સ્થાનિક સ્તરે ઉપલબ્ધ સેવાઓ અને ઉત્પાદનોનો લાભ લઈ શકશે, તેમજ આદિવાસી સમુદાયની આત્મવિશ્વાસ અને આર્થિક સ્વતંત્રતા વધશે.