సిరికొండలో ఘనంగా భగవాన్ బిర్సా ముండా జయంతి వేడుకలు

సిరికొండ: ఆదివాసీ ఆత్మగౌరవానికి ప్రతీకగా, గిరిజన హక్కుల కోసం పోరాడిన మహనీయుడు భగవాన్ బిర్సా ముండా జయంతి వేడుకలను సిరికొండలో నిర్వహించారు. ఈ సందర్భంగా ఆయన చిత్రపటానికి నివాళులర్పించారు.
ఆదివాసీ సమాజం ఆయనను ప్రేమతో ధర్తీ ఆబా (భూమి తండ్రి) అని గౌరవంగా పిలుస్తుందని, ఆయన పోరాట స్ఫూర్తి, త్యాగం, సేవలు గిరిజన సమాజానికి ఎల్లప్పుడూ ఆదర్శమని ఆదివాసీ నాయకులు పేర్కొన్నారు. ఈ కార్యక్రమంలో గ్రామస్తులు, ఆదివాసీ నాయకులు, గిరిజనులు పాల్గొన్నారు.