મઘાનીસર ગામમાં ૧૫૧મી જન્મજયંતિ નિમિત્તે સાધુ-સંતોનું ભાવભેર સન્માન

મઘાનીસર ગામના શ્રી રામ ચોરાયા ખાતે ભગવાન બિરસા મુંડા ની ૧૫૧મી જન્મજયંતિ નિમિત્તે જનજાતીય ગૌરવ દિવસના પાવન અવસરે ગ્રામ પંચાયત દ્વારા ધાર્મિક અને ભક્તિમય વાતાવરણમાં સાધુ-સંતોનું ભાવભેર સન્માન કરવામાં આવ્યું.

દાહોદ જિલ્લા પંચાયતની આરોગ્ય સમિતિની શ્રીમતી સુમનબેન મુકેશભાઈ ડામોર દ્વારા પૂજન-અર્ચન કરવામાં આવ્યું, ત્યારબાદ ભારતીય જનતા પાર્ટીના ઝાલોદ તાલુકાના પૂર્વ પ્રમુખ શ્રી મુકેશભાઈ સમસુભાઈ ડામોર દ્વારા સાધુ-સંતોને શાલ ઓઢાડી તેમનું સન્માન કરવામાં આવ્યું.

ઉપસ્થિત સાધુ-સંતોના આશીર્વાદ પ્રાપ્ત કરી બધા ગ્રામજનો અને સ્થાનિક આગેવાનો ધન્યતા અનુભવી, કાર્યક્રમમાં ઉપસ્થિત તમામ લોકોને આ ધાર્મિક સમારંભમાં ગૌરવ અને એકતા નો અનુભવ થયો.

આ સમારંભ દ્વારા ધાર્મિક શ્રદ્ધા, પરંપરા અને આદિવાસી સંસ્કૃતિના ગૌરવને ઉજાગર કરવામાં આવ્યા, જે સ્થાનિક સમુદાયમાં સાંસ્કૃતિક ઓળખ અને સમુદાય ભાવનાને મજબૂત બનાવે છે.

જય બિરસા મુંડા! જય આદિવાસી સમાજ!