ଘର ମାଲିକାଣୀଙ୍କୁ ହତ୍ୟା ଘଟଣା : କେୟାର ଟେକର ସୁରଟରୁ ଗିରଫ

ଭୁବନେଶ୍ୱର : ଲକ୍ଷ୍ମୀସାଗର ଅଞ୍ଚଳର ଜନୈକା ଘର ମାଲିକାଣୀଙ୍କୁ ହତ୍ୟା କରିଥିବା କେୟାରଟେକରକୁ ପୁଲିସ ସୁରଟରୁ ଗିରଫ କରିଛି ।
ସୂଚନା ଅନୁଯାୟୀ ଗତ ନଭେମ୍ବର ୩ ତାରିଖରେ ବଳଭଦ୍ର ଲକ୍ଷ୍ମୀସାଗର ଅଞ୍ଚଳରେ ରହୁଥିବା ୭୬ ବର୍ଷୀୟ କୁଞ୍ଜଲତା ନନ୍ଦଙ୍କୁ ହତ୍ୟା କରି ନଗଦ ୩୨ ହଜାର ଟଙ୍କା ଓ ୫୦ରୁ ୬୦ ଗ୍ରାମ ସୁନା ଗହଣା ଧରି ଫେରାର ହୋଇଯାଇଥିଲା । ଘଟଣା ପରେ ଆରମ୍ଭ ହୋଇଥିଲା ଛାନଭିନ। ହତ୍ୟାକାରୀ ବଳଭଦ୍ର ସୁରଟରେ ଥିବା ନେଇ ପୁଲିସକୁ ଖବର ମିଳିଥିଲା । ସୁରଟ କ୍ରାଇମବ୍ରାଞ୍ଚ ଏବଂ ଭଦୋଦରା ରୁରାଲ ସ୍ପେଶିଆଲ ଅପରେସନସ ଗ୍ରୁପ ମଙ୍ଗଳବାର ଏକ ମିଳିତ ଅପରେସନ କରି ଅଭିଯୁକ୍ତକୁ କର୍ଜନ ଅଂଚଳରେ ଥିବା କ୍ରିଷ୍ଣା ହୋଟେଲ ନିକଟରୁ ଗିରଫ କରିଥିଲେ । ଅଭିଯୁକ୍ତ ବଳଭଦ୍ର ଅନେକ ମୋବାଇଲ୍ ନମ୍ବର ବ୍ୟବହାର କରି ପୁଲିସକୁ ବାଟବଣା କରିବାକୁ ଚେଷ୍ଟା କରୁଥିଲା ।
ତେବେ ମଙ୍ଗଳବାର ଦିଲ୍ଲୀ ପଳାଇଯିବାକୁ ଉଦ୍ୟମ କରୁଥିବା ବେଳେ ପୁଲିସ ତାକୁ କାବୁ କରିଥିଲା । ସୁରଟ ଆସିବା ପୂର୍ବରୁ ସେ ଲୁଧିଆନା ଚାଲି ଯାଇଥିଲା । ଗିରଫ ପରେ ତା ଠୁ କିଛି ମାତ୍ରାରେ ଲୁଟ୍ ସାମଗ୍ରୀ ଜବତ କରାଯାଇଛି ।