ట్రైనీ డీఎస్పీ లతో తెలంగాణ రాష్ట్ర ముఖ్యమంత్రి.

తెలంగాణ రాష్ట్ర ముఖ్యమంత్రి రేవంత్ రెడ్డి, MCRHRD లో నిర్వహించిన కార్యక్రమంలో ట్రైనీ డీఎస్పీలను కలుసుకుని, గత ప్రభుత్వంలో నియామక ప్రక్రియలో గందరగోళం ఉండిందని పేర్కొన్నారు. తాము అధికారంలోకి వచ్చిన తర్వాత, ప్రభుత్వం టీజీపీఎస్‌సీ ని ప్రక్షాళన చేసి నియామక వ్యవస్థను పటిష్టం చేయడానికి అవసరమైన చర్యలను అమలు చేసింది అని ఆయన వివరించారు. ఏ హోదాలో ఉన్నా, తమ బ్యాక్‌గ్రౌండ్‌ను మర్చిపోకుండా, సేవాభావంతో ప్రజలకు జవాబుదారీతనంగా వ్యవహరించాలని ట్రైనీ డీఎస్పీలకు ముఖ్యమంత్రి సూచించారు.
శిక్షణలో ఉన్న ట్రైనీ డీఎస్పీలకు చట్టపరమైన బాధ్యతలను సమర్థంగా నిర్వహించడంపై దృష్టి పెట్టమని కూడా ఆయన ప్రత్యేకంగా దిశానిర్దేశం చేశారు.