સાલાદરા ગામમાં હિન્દુ-મુસ્લિમ ભાઈઓએ ભાથુજી દાદાના મંદિર ખાતે નૂતન વર્ષ અને દિવાળીનું એકતાપૂર્ણ ઉત્સવ ઉજવ્યો

સાલાદરા ગામ, વાગરા તાલુકામાં, ભાથુજી દાદાના મંદિર ખાતે સંવત ૨૦૮૨ ના પર્વે નૂતન વર્ષ અભિનંદન કાર્યક્રમનું ભવ્ય આયોજન કરવામાં આવ્યું, જે દેશવાસીઓ માટે એકતાનું પ્રતીક બની રહ્યું.

આ કાર્યક્રમમાં હિન્દુ-મુસ્લિમ સમાજે સાથે મળીને દિવાળીની ઉજવણી કરી, નવા વર્ષની શુભેચ્છા પાઠવી અને એકતાનું સંદેશ પ્રસારિત કર્યું.

પ્રોગ્રામમાં ભજન અને ગરબાનું આયોજન રાખવામાં આવ્યું, જેમાં અનેક લોકોએ ભાગ લીધો. ભજનની ભક્તિમય ધૂન અને ગરબાના તાલે આખું વાતાવરણ ભક્તિ અને આનંદથી ગુંજી ઉઠ્યું, અને નાના-મોટા સૌ કોઈએ ગરબામાં ઝૂમીને ઉત્સવની મજા માણી.

તાલુકા પંચાયત ઉપ પ્રમુખ અશોક જી. ઠાકર અને સરપંચ મસુમ દાઉદે હાજરી આપી, ગામના આગેવાનો, વડીલો અને યુવાનો મોટી સંખ્યામાં ઉપસ્થિત રહી એકતા, ભાઈચારા અને સદ્ભાવનાનો સંદેશ આપ્યો.