હિંમતનગરના પાનપુર પાટિયા વિસ્તારમાં એ.એસ.શાકભાજી દુકાનમાં ભીષણ આગ,માલ બળીને ખાખ..

સાબરકાંઠાના-:
હિંમતનગર તાલુકાના પાનપુર પાટિયા વિસ્તારમાં ઝેડ ક્રાઉન કોમ્પ્લેક્સની ગ્રાઉન્ડ ફ્લોર પર સ્થિત એ.એસ.શાકભાજી અને વેજિટેબલની દુકાનમાં વહેલી સવારે અચાનક ભીષણ આગ લાગી,જેનાથી દુકાનનો તમામ માલ બળી ખાખ થઈ ગયો.આ ઘટનાની જાણ થતાં જ ફાયર બ્રિગેડની ટીમ તાત્કાલિક સ્થળ પર પહોંચી અને આગ પર કાબૂ મેળવવા માટે સઘન કામગીરી હાથ ધરી.112 પોલીસ ટીમ, હોમગાર્ડ ટીમ તેમજ હિંમતનગર ગ્રામ્ય પોલીસ સ્ટેશનનો કાફલો પણ તાત્કાલિક દોડી આવ્યો અને કાયદેસરની કાર્યવાહી શરૂ કરી..

સદનસીબે આ દુર્ઘટનામાં કોઈ જાનહાનિની જાણ નથી,પરંતુ વેપારીને દુકાનના માલના નુકસાનને કારણે મોટું આર્થિક નુકસાન વેઠવું પડ્યું.દુકાનમાં આગ લાગવાનું ચોક્કસ કારણ હજી સુધી નિર્ધારિત થયું નથી.પ્રાથમિક તપાસ મુજબ આગનું કારણ હજુ અકબંધ છે અને તપાસ ચાલુ છે.