కాళేశ్వరం ప్రాజెక్ట్ పునరుద్ధరణ పనులకు తెలంగాణ కేబినెట్ ఆమోదం.

కాళేశ్వరం ప్రాజెక్టులోని మేడిగడ్డ, అన్నారం, సుందిళ్ల బ్యారేజీల పునరుద్ధరణ పనులను వెంటనే చేపట్టాలని ముఖ్యమంత్రి రేవంత్ రెడ్డి అధికారులను ఆదేశించారు.
ఈ పునరుద్ధరణ పనుల కోసం సుమారు రూ. 4,193 కోట్లతో ప్రతిపాదనలు సిద్ధం చేసినట్లు అధికారులు తెలిపారు. గత ప్రభుత్వం చేసిన తప్పులు పునరావృతం కాకుండా, ప్రాజెక్టును కాపాడాల్సిన బాధ్యత తమపై ఉందని మంత్రులు, అధికారులతో జరిగిన సమీక్షలో సీఎం స్పష్టం చేశారు. నీళ్లు ఉన్నా లిఫ్ట్ చేయడం లేదనే తప్పుడు ప్రచారాన్ని ప్రజల్లో తిప్పికొట్టాలని ఆయన సూచించారు