દિવાળી-નવવર્ષમાં સરકારી અધિકારીઓને ભેટો આપતા લાંચની તપાસ માટે એસીબીએ રાજ્યવ્યાપી દેખરેખ શરૂ કરી..

દિવાળી અને નવું વર્ષની ઉજવણી દરમિયાન લોકો સરકારી કચેરીઓમાં અધિકારીઓ અને કર્મચારીઓને મીઠાઈ, ભેટો અને અન્ય વસ્તુઓ લઈને શુભેચ્છા પાઠવે છે.આ પરંપરા છતાં એન્ટી-કરપ્શન બ્યુરો (ACB)એ આ સમયગાળામાં લાંચ અને ભ્રષ્ટાચારની શક્યતા રોકવા માટે સાવચેત રહેવાની જરૂરિયાત દર્શાવી છે.ACBએ રાજ્યવ્યાપી રીતે જિલ્લા સ્તરે અલગ‑અલગ ટીમો ગોઠવી છે,જે સરકારી કચેરીઓમાં ખાનગી રીતે ભેટો અને પ્રલોભન આપતી પ્રવૃત્તિઓની નિગરાની કરશે.કોઈ અધિકારી ભેટના નામે લાંચ સ્વીકારતો જોવા મળે તો કાયદેસરની કાર્યવાહી કરવામાં આવશે..

ખાસ કરીને દિવાળી પહેલાં ભેટસોગાદ અને નવા વર્ષની શુભેચ્છા આપવાના બહાને વધતી અવરજવરને ધ્યાનમાં રાખીને ACBએ મોંઘી વસ્તુઓ,કિંમતી ભેટો અને ટુર પેકેજ જેવા પ્રલોભનો મેળવતા કર્મચારીઓની તપાસ માટે ખાસ પ્રોટોકોલ તૈયાર કર્યો છે.કોઈ પણ નાગરિકને આવા કિસ્સાની જાણ થાય તો તેઓ ટોલ‑ફ્રી નંબર 1094 પર ફરિયાદ કરી શકે છે અથવા નજીકની ACB કચેરીનો સંપર્ક કરી શકે છે.ACB પુરાવા એકત્ર કરીને તપાસ કરશે અને જરૂરી પગલાં લઈને ભ્રષ્ટાચારને કડક રીતે રોકશે,જેથી જાહેર વિશ્વાસમાં વધારો થાય અને સરકારી સેવાઓમાં પારદર્શિતા જળવાઈ રહે.