સુરતના કાપડ માર્કેટમાં આગ: ફાયરબ્રિગેડને અવરોધો, સાવચેતીની સૂચના

સુરતના કાપડ માર્કેટમાં તાજેતરમાં લાગેલી આગ દરમિયાન ફાયરબ્રિગેડના જવાનોને અનેક મુશ્કેલીઓનો સામનો કરવો પડ્યો હતો.

માર્કેટના પેસેજમાં પાર્સલ મૂકેલા હોવાથી ફાયર જવાનોને અંદર સુધી પહોંચવામાં અવરોધ આવ્યો હતો.

દુકાનોની બારીઓમાં લોખંડની ગ્રીલ અને કાચના એલિવેશનને કારણે પાણીનો મારો ચલાવવામાં વિલંબ થયો હતો, અને પાર્કિંગમાં વાહનો ખડકાયેલા હોવાથી ફાયરબ્રિગેડનાં વાહનોને યોગ્ય જગ્યા મળી શકી નહોતી.

આવી સ્થિતિનું પુનરાવર્તન દિવાળી તહેવારમાં ન થાય તે માટે ફાયર વિભાગે FOSTA ને પત્ર લખી તમામ માર્કેટ એસોસિયેશનોને સાવચેતી રાખવા સૂચના આપી.