ఆర్వినగర్ సంతలో వైఎస్సార్‌సీపీ ఎన్నికల ప్రచారం ఎంపీటీసీ అభ్యర్థి బొబ్బిలి లక్ష్మణ్‌కు మద్దతుగా నాయకులు, కార్యకర్తల ర్యాలీ
అల్లూరి సీతారామరాజు జిల్లా జీకే వీధి మండలంలోని ఆర్వినగర్ వారపు సంతలో సోమవారం వైఎస్సార్‌సీపీ ఆధ్వర్యంలో భారీ ఎన్నికల ప్రచారం, ర్యాలీ నిర్వహించారు. జీకే వీధి-3 ఎంపీటీసీ అభ్యర్థి బొబ్బిలి లక్ష్మణ్‌కు మద్దతుగా పార్టీ నాయకులు, కార్యకర్తలు పెద్ద సంఖ్యలో పాల్గొని సంత ప్రాంగణంలో ర్యాలీ చేపట్టారు.ఈ సందర్భంగా లీలాప్రసాద్, అంజి, రాజారావు తదితర నాయకులు ఓటర్లను కలిసి పార్టీ అభ్యర్థికి మద్దతు కోరారు. ర్యాలీలో మహిళలు, యువకులు, పెద్దలు, స్థానిక గ్రామస్థులు ఉత్సాహంగా పాల్గొన్నారు. ఫ్యాన్ గుర్తుపై ఓటు వేసి బొబ్బిలి లక్ష్మణ్‌ను గెలిపించాలని నాయకులు ఓటర్లను అభ్యర్థించారు. గ్రామాభివృద్ధికి కృషి చేస్తామని ఈ సందర్భంగా ప్రజలకు వివరించారు. ఎన్నికల ప్రచారంలో భాగంగా ఆర్వినగర్ సంతలో నిర్వహించిన భారీ ర్యాలీ స్థానికంగా సందడి నెలకొల్పింది.