સુરત સાયબર ક્રાઈમની મોટી કાર્યવાહી: નકલી સરકારી અધિકારી બની ૧.૨૯ કરોડની ઠગાઈ, મુંબઈથી ઝડપાયો આરોપી

સુરતના સાયબર ક્રાઈમ પોલીસે એક મોટી કાર્યવાહી કરીને નકલી સરકારી અધિકારી બનીને કરોડો રૂપિયાની છેતરપિંડી કરનાર આરોપીને મુંબઈથી ઝડપી પાડ્યો છે. પોલીસે મળી માહિતી મુજબ, આરોપી પ્રિયાંક વ્યાસે પોતે સરકારી સાયબર ફોરેન્સિક અધિકારી હોવાનો ઢોંગ કર્યો હતો. આ ઢોંગનો ઉપયોગ કરીને તેણે ફોરેક્સ અને ક્રિપ્ટોકરન્સી બજારમાં મોટો નફો મેળવવાની લાલચ આપીને એક વેપારી સાથે કુલ ૧.૨૯ કરોડ રૂપિયાની છેતરપિંડી કરી હતી.

સુરત સાયબર ક્રાઈમ પોલીસે આ મામલે તપાસ શરૂ કરી હતી અને આરોપીની ઓળખ કરી પકડવા માટે ટીમ બનાવી હતી. પોલીસે મુંબઈમાં ઘેરી કાર્યવાહી કરીને આરોપી પ્રિયાંક વ્યાસને ઝડપી પાડ્યો છે. પોલીસે આરોપી પાસેથી લક્ઝરી કાર, લેપટોપ અને બનાવટી ઓળખપત્રો સહિતનો મુદ્દામાલ જપ્ત કર્યો છે.

આ મામલે પોલીસે આરોપી વિરુદ્ધ ફરિયાદ નોંધીને વધુ તપાસ હાથ ધરી છે. સાયબર ક્રાઈમ પોલીસે જણાવ્યું છે કે, નકલી અધિકારીઓ દ્વારા થતી છેતરપિંડીઓ પર કડક કાર્યવાહી કરવામાં આવશે. આ કાર્યવાહીથી સાયબર ક્રાઈમ વિરુદ્ધ લડતમાં મહત્વપૂર્ણ પ્રગતિ થઈ છે.