લીલીયાના ગુંદરણ ગામે બે પરપ્રાંતીય શ્રમિકોની હત્યા મામલે પોલીસને મોટી સફળતા

લીલીયાના ગુંદરણ ગામે બે પરપ્રાંતીય શ્રમિકોની હત્યા મામલે પોલીસને મોટી સફળતા
વાડીમાં પાર્ક કરેલી તુફાન ગાડીમાં સૂઈ રહેલા મધ્યપ્રદેશના બે યુવાનોને જીવતા સળગાવી મોતને ઘાટ ઉતાર્યાનો બનાવ
અમરેલી જિલ્લાના લીલીયા તાલુકાના ગુંદરણ ગામે ચકચારી બનાવ સામે આવ્યો છે. વાડીમાં પડેલી તુફાન ગાડીમાં મધ્યપ્રદેશથી મજૂરી કામ અર્થે આવેલા બે યુવાનો સૂતા હતા. તે દરમિયાન બંને યુવાનોને ગાડીમાં જ સળગાવી મોતને ઘાટ ઉતારવામાં આવ્યા હતા.
આ ગંભીર બનાવને પગલે સમગ્ર વિસ્તારમાં ચકચાર મચી ગઈ હતી. ઘટનાની જાણ થતાં લીલીયા પોલીસ હરકતમાં આવી હતી. પોલીસે ગણતરીની કલાકોમાં જ ઝડપી કાર્યવાહી કરી બંને આરોપીઓને પકડી પાડ્યા છે.
લીલીયા પોલીસની ઝડપી કામગીરીથી આ ચકચારી બનાવમાં પોલીસને મોટી સફળતા મળી છે.