અમરેલી: ભાવનગર-સોમનાથ હાઈવે પર કાર અને મોપેડ વચ્ચે ભીષણ અકસ્માત, એક વ્યક્તિનું મોત

અમરેલી જિલ્લાના જાફરાબાદ તાલુકાના દુધાળા ગામ નજીક ભાવનગર–સોમનાથ હાઈવે પર એક હૃદયદ્રાવક અકસ્માત સર્જાયો હતો. અહીં કાર અને મોપેડ વચ્ચે થયેલી જોરદાર ટક્કરમાં મોપેડ સવારનું ઘટનાસ્થળે જ કરુણ મોત નીપજ્યું છે.

મળતી માહિતી મુજબ, અકસ્માતમાં મૃતક તરીકે ઉનાના વાલજીભાઈની ઓળખ થઈ છે. અકસ્માત એટલો ભીષણ હતો કે મોપેડ સવારને બચવાનો કોઈ સમય મળ્યો ન હતો.

ઘટનાની જાણ થતાં જ નાગેશ્રી પોલીસ તબક્કાવાર કાર્યવાહી હાથ ધરી ઘટનાસ્થળે પહોંચી હતી. પોલીસે મૃતદેહને કબજે કરી પોસ્ટમોર્ટમ માટે જાફરાબાદ સરકારી હોસ્પિટલમાં ખસેડ્યો છે.

હાલમાં પોલીસે આ અકસ્માતના સંદર્ભમાં કેસ નોંધ્યો છે અને સમગ્ર મામલાની વધુ તપાસ હાથ ધરી રહ્યા છે.
નોંધ :પોસ્ટર AI ની મદદ થી બનાવેલ છે જે ધ્યાન મા લેવું