સુરતમાં ગાર્ડન વેસ્ટના નિકાલનો મોટો પ્રશ્ન ઉકેલ્યો, છઠ્ઠા પ્રયાસમાં ટેન્ડર મળ્યું

સુરત મહાનગરપાલિકા માટે લાંબા સમયથી ચિંતાનો વિષય બનેલા ગાર્ડન વેસ્ટના નિકાલનો પ્રશ્ન આખરે સફળતાપૂર્વક ઉકેલાઈ ગયો છે. શહેરના વિવિધ બગીચાઓમાંથી દરરોજ નીકળતા અંદાજે 50 મેટ્રિક ટન ગાર્ડન વેસ્ટના વૈજ્ઞાનિક ઢબે નિકાલ માટે પાલિકા દ્વારા અગાઉ પાંચ વખત ટેન્ડર મંગાવવામાં આવ્યા હતા, પરંતુ યોગ્ય એજન્સી ન મળવાને કારણે આ પ્રક્રિયા નિષ્ફળ રહી હતી.

જોકે, છઠ્ઠા પ્રયાસમાં 'ડી.એચ.પટેલ એલએલપી'નું ટેન્ડર મળતા પ્લાન્ટ સ્થાપવાનો રસ્તો સાફ થયો છે. આ દ્વારા પાલિકાને લાંબા સમયથી ચાલી રહેલા ગાર્ડન વેસ્ટ મેનેજમેન્ટના સમસ્યાનો ઉકેલ મળ્યો છે. આગામી દિવસોમાં પાલિકા દ્વારા પ્લાન્ટ સ્થાપન અને વેસ્ટ પ્રોસેસિંગની પ્રક્રિયા શરૂ કરવામાં આવશે, જેથી શહેરની સ્વચ્છતા અને પર્યાવરણીય સંતુલન જાળવવામાં મદદ મળશે.