નારોલ પોલીસે ૧૧ લોડીંગ રીક્ષામાંથી બેટરી ચોરી કરનાર બે આરોપીઓને ઝડપ્યાં

અમદાવાદ શહેરના નારોલ પોલીસ સ્ટેશન વિસ્તારમાં થયેલી લોડીંગ રીક્ષાની બેટરી ચોરીના ગુનામાં પોલીસે મહત્વની સફળતા પ્રાપ્ત કરી છે. નારોલ પોલીસે અલગ અલગ જગ્યાએથી ૧૧ લોડીંગ રીક્ષામાંથી બેટરીઓ ચોરી કરવાના ગુનામાં બે આરોપીઓને ઝડપી પાડ્યા છે.

પોલીસ તપાસ દરમિયાન આરોપીઓ પાસેથી કુલ કિંમત ૯૪,૦૦૦ રૂપિયાનો મુદ્દામાલ રિકવર કરવામાં આવ્યો છે. આ ઘટનામાં નારોલ પોલીસે ચોરીના ગુનાઓ ડીટેક્ટ કરીને આરોપીઓની ધરપકડ કરી છે.

આ ઘટના બાદ નારોલ પોલીસ વિસ્તારમાં લોડીંગ રીક્ષા ચાલકોમાં રાહતનો માહોલ જોવા મળી રહ્યો છે. પોલીસે આ મામલે વધુ તપાસ હાથ ધરી છે.