આજની બેઠકમાં વેપારીઓની કીટ અને પાણીકાપ મુદ્દે ચર્ચા, દિવાળીની લાઇટિંગ સીમિત

આજ અમદાવાદ મ્યુનિસિપલ કોર્પોરેશનની સ્ટેન્ડિંગ કમિટીએ શહેરના વિવિધ પ્રશ્નો અને આગામી દિવાળી પર્વની તૈયારીઓ અંગે ચર્ચા કરી.

બેઠક દરમિયાન વેપારીઓની કીટ અને શહેરમાં પાણીકાપ મૂકવા અંગે પણ ચર્ચા કરવામાં આવી.

દિવાળીના તહેવાર માટે દર વર્ષે શહેરના વિવિધ વિસ્તારોમાં આકર્ષક લાઇટિંગ ડેકોરેશન કરવામાં આવે છે. આ વર્ષે AMC એ લાઇટિંગ ડેકોરેશનના આયોજનમાં કાપ મૂકવાનો નિર્ણય લીધો, અને સાત બ્રિજ, લાલ દરવાજા અને ભદ્રકાળી મંદિર જેવા મુખ્ય સ્થળોએ લાઇટિંગ કરવામાં આવશે.

આ લાઇટિંગ 7 pm થી 1 am સુધી ચાલુ રહેશે, જેથી નાગરિકો અને મુલાકાતીઓ દિવાળીના પર્વ દરમિયાન શહેરની રોશનીનો આનંદ માણી શકે.