સુરતમાં નળનું પીવાનું પાણી પીળું, વાસદાર, હજારો પરિવારોમાં રોષ

સુરતમાં નળમાંથી પીતા પાણીની ગુણવત્તા ખાડે જતાં, અડાજણ, રાંદેર અને અઠવા ઝોનમાં છેલ્લા 15 દિવસથી હજારો પરિવારોને પીળું, વાસદાર અને અત્યંત દૂષિત પાણી મળવાની ફરિયાદો ઉઠી છે.

આ દૂષિત પાણીના કારણે બાળકોમાં ચામડીના રોગો અને એલર્જી જેવા લક્ષણો જોવા મળી રહ્યા છે.

જળકુંભી તાપી નદીના કોઝ-વે પર જામેલી હોવાને કારણે પાણીની ગુણવત્તા ખરાબ થઈ છે; જળકુંભી અને લીલના થર પર અસંખ્ય જીવાતો સળવળતી જોવા મળતી હોવાથી આરોગ્ય માટે મોટો ખતરો ઉભો થયો છે.

પાલિકા પાસે લાખો રૂપિયાના અદ્યતન ડી-વીડિંગ મશીનો હોવા છતાં સમયસર જળકુંભી ન હટાવવાને કારણે તાપી નદી ગંદકીના ગંજમાં ફેરવાઈ ગઈ છે.