କାଳିମେଳା ଆଦିବାସୀ କଲୋନୀରେ ବିଧାୟକ ପାଣ୍ଠିରୁ ସୋଲାର ଷ୍ଟ୍ରିଟ୍ ଲାଇଟ୍ ସ୍ଥାପନ

ମାଲକାନଗିରି, (୩୦ ଅକ୍ଟୋବର) – କାଳିମେଳା ଆଦିବାସୀ କଲୋନୀରେ ବିଧାୟକ ପାଣ୍ଠିରୁ ତିନିଟି ସୋଲାର ଷ୍ଟ୍ରିଟ୍ ଲାଇଟ୍ ସ୍ଥାପନ କରାଯାଇଛି। ଏହାଦ୍ୱାରା କଲୋନୀବାସୀଙ୍କ ମଧ୍ୟରେ ଆନନ୍ଦ ଓ ଉତ୍ସାହ ପ୍ରକାଶ ପାଇଛି। ରାତି ସମୟରେ ଆଲୋକ ବ୍ୟବସ୍ଥାରେ ସୁଧାର ଆସିବା ସହ ଏହା ଅଞ୍ଚଳବାସୀଙ୍କ ପାଇଁ ଉପକାରୀ ହେବ ବୋଲି ଆଶା କରାଯାଉଛି।
ଏହି ଲାଇଟ୍ ସ୍ଥାପନ ଅବସରରେ ଗ୍ରାମର ବହୁ ବରିଷ୍ଠ ଓ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ। ଏଥିରେ ବିଜେପି କାଳିମେଳା ମଣ୍ଡଳ ସଭାପତି ରାମଚନ୍ଦ୍ର ବେଟି, ମଣ୍ଡଳ ଯୁବ ସଭାପତି ମନ୍ମଥ ବିଶ୍ୱାସ, ଶକ୍ତିକେନ୍ଦ୍ର ପ୍ରମୁଖ ପରିତୋଷ ମଣ୍ଡଳ, ସହ-ସଭାପତି ରାଜେନ୍ଦ୍ର ଖିଲ, ଯୁବ କାର୍ଯ୍ୟକର୍ତ୍ତା ସଞ୍ଜୁ ସରକାର ଏବଂ ବରିଷ୍ଠ କାର୍ଯ୍ୟକର୍ତ୍ତା ରାମଚନ୍ଦ୍ର କାରାମିଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
ଏହି ଜନହିତକର କାର୍ଯ୍ୟ ପାଇଁ କଲୋନୀବାସୀ ବିଧାୟକଙ୍କ ସମେତ ସମସ୍ତ ବିଜେପି କାର୍ଯ୍ୟକର୍ତ୍ତାଙ୍କୁ ହୃଦୟର ସହ କୃତଜ୍ଞତା ଓ ଧନ୍ୟବାଦ ଜଣାଇଛନ୍ତି।