બાબરા નજીક કરિયાણા ચોકડી પાસે કારમાંથી વિદેશી દારૂનો જથ્થો ઝડપાયો, બે ઈસમોની ધરપકડ

બાબરા તાલુકાના કરિયાણા ચોકડી પાસે પોલીસે મોટી કાર્યવાહી હાથ ધરી છે. બાતમીના આધારે પોલીસે વોચ ગોઠવીને એક સફેદ કલરની Creta કારને અટકાવી હતી. કારની તલાશી લેતા પોલીસને અંદરથી વિદેશી દારૂની બોટલોના બોક્સ અને થેલીઓ મળી આવી હતી.

પોલીસે કારના આગળ અને પાછળના કાચ તોડીને અંદર છુપાવવામાં આવેલો દારૂનો જથ્થો બહાર કાઢ્યો હતો. પોલીસે સ્થળ પરથી બે ઈસમોને ઝડપી લીધા હતા અને તેમની પાસેથી કાર તથા દારૂનો જથ્થો કબજે કર્યો હતો.

ઝડપાયેલા બંને ઈસમો વિરુદ્ધ પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. પોલીસ સૂત્રોના જણાવ્યા અનુસાર, આ દારૂનો જથ્થો બહારથી બાબરા તરફ લાવવામાં આવી રહ્યો હતો.

પોલીસ હાલ આ દારૂના સપ્લાય ચેઈન કોણ છે અને તે કોને પહોંચાડવાનો હતો તે દિશામાં ઊંડાણપૂર્વક તપાસ ચલાવી રહી છે. પોલીસની આ કાર્યવાહીને પગલે સ્થાનિક બુટલેગરોમાં ફફડાટ ફેલાયો છે.