ધ્રોલના હાડાટોડા ગામમાં દેશી દારૂ અને ૪૦૦ લીટર કાચો આથો ઝડપાયો

જામનગર જિલ્લાના ધ્રોલ તાલુકાના હાડાટોડા ગામે એલસીબી પોલીસે કાર્યવાહી કરી બ્રિજરાજસિંહ વનરાજસિંહ જાડેજા (ઉં.વ. ૩૯)ને ઝડપી પાડ્યા હતા. આરોપીની વાડીના શેઢેથી ૧૫ લીટર દેશી દારૂ, કિંમત રૂ. ૩,૦૦૦, તેમજ ૨૦૦ લીટરના બે બેરલમાં ભરેલો ૪૦૦ લીટર કાચો આથો, કિંમત રૂ. ૧૦,૦૦૦, મળી કુલ રૂ. ૧૩,૦૦૦નો મુદ્દામાલ કબજે કરાયો હતો. આ મામલે ધ્રોલ પોલીસ સ્ટેશનમાં પ્રોહિબિશન એક્ટ હેઠળ ગુનો નોંધી કાર્યવાહી હાથ ધરવામાં આવી છે.

|