હિંમતનગરમાં ટ્રાફિક ડ્રાઇવ: લાઇસન્સ વિનાની બાઇક્સ અને અતિશય ગતિવાળા વાહનોને ડિટેઇન..

સાબરકાંઠાના-:
હિંમતનગર આગામી તહેવારોની ઉજવણી પહેલાં શાંતિ અને સલામતી જાળવવાના હેતુથી હિંમતનગર પોલીસ સ્ટેશનએ ઇલોલ ચાર રસ્તા ખાતે કડક ટ્રાફિક ડ્રાઇવ ચલાવી.આ કામગીરીમાં હિંમતનગર ગ્રામ્ય પોલીસ સ્ટેશનના PSI,ટ્રાફિક પોલીસ અને ઇલોલ આઉટપોસ્ટના જમાદાર સહિતની ટીમ સામેલ હતી.ટીમે વાહનોની વિગતવાર ચેકિંગ કરી,લાઇસન્સ વગર વાહન ચલાવતા,અધૂરા કાગળો (RC book અને ઇન્શ્યોરન્સ) ધરાવતા અને મોડિફાઇડ સાયલેન્સર લગાવી અવાજ પ્રદૂષણ ફેલાવતા ચલકો સામે કડક કાર્યવાહી કરી.સાથે જાહેર માર્ગો પર ફુલ સ્પીડે બાઇક દોડાવનારા અને અન્ય લોકોના જીવનને જોખમમાં મૂકતા નિયમભંગ કરનારા બાઇક સવારોને સ્થળે જ ડિટેઇન કરવામાં આવ્યા.પોલીસની અચાનક કાર્યવાહીથી નિયમોનું ઉલ્લંઘન કરનારા વાહનચાલકોમાં ભારે ફફડાટ વ્યાપી ગયો..

અધિકારીઓએ સ્પષ્ટ ચેતવણી આપી કે તહેવારો દરમિયાન ટ્રાફિક વ્યવસ્થા અને જાહેર શાંતિ જાળવવા માટે આવા ચેકિંગ સતત ચાલુ રહેશે અને તમામ વાહનચાલકોએ નિયમોનું કડક પાલન કરવું અનિવાર્ય છે.આ પગલાં દ્વારા તહેવારોની ઉજવણી દરમિયાન કોઈ અણબનાવ કે અકસ્માત ન થાય એ હેતુ સાથે સુરક્ષા જાળવવામાં આવશે.